Իրանում արտադրվել է նոր և մատչելի հակաքաղցկեղային դեղամիջոց
Հակաքաղցկեղային դեղորայք արտադրող ընկերության մասնագետ Թիամ Էսֆահանին ասել է, որ նոր դեղամիջոցն արտասահմանյան նմանօրինակ դեղամիջոցների համեմատ ավելի մատչելի գին ունի։
Iran Press-ի հետ զրույցում, անդրադառնալով ընկերության կողմից հատուկ դեղամիջոցների արտադրությանն Էսֆահանին ասել է․ «Մեր արտադրանքը կիրառվում է քաղցկեղի բուժման մեջ։ Մենք արտադրում ենք հատուկ դեղեր, որոնք շուկա են մտնում համապատասխան ստուգումներից հետո»։
Նշելով, որ վերջին դեղամիջոցն արտադրվել է իրանցի մասնագետների ջանքերով, նա հավելել է․ «Այս ռազմավարական դեղամիջոցի արտադրությամբ, այլևս կարիք չի լինի մեծ գումարներ վճարել արտասահմանից այս դեղամիջոցը ձեռք բերելու համար։ Մեր արտադրանքը համապատասխանում էմիջազգային ստանդարտներին և հաստատված է Իրանի պարենի և դեղորայքի կազմակերպության կողմից»։
Էսֆահանին հավելել է, որ ներքին շուկայի պահանջարկը բավարարելուց հետո, դեղամիջոցը նաև կարտահանվի։
Ընկերության արտադրած նոր դեղամիջոցը կիրառվում է կրծքագեղձի մետաստատիկ քաղցկեղի, թոքերի քաղցկեղի և շագանակագեղձի մետաստատիկ քաղցկեղի բուժման ժամանակ։
