Քանանի. Իրանի Իսլամական Հանրապետությունը հզոր և անվտանգություն ստեղծող տերություն է
Իրանի արտաքին գործերի նախարարության խոսնակը հայտարարել է, որ Իրանի Իսլամական Հանրապետությունը հզոր և անվտանգություն ստեղծող տերություն է և Իրանը հավատարիմ մնալով միջազգային չափանիշներին և օրենքներինو կգործի ցանկացած ագրեսորին զսպելու և պատժելու համար։
Նասեր Քանանի Չաֆին երկուշաբթի օրը լրագրողների հետ շաբաթական հանդիպման ժամանակ Սիոնիստական ռեժիմի դեմ Իրանի հրթիռային և անօդաչու թռչող սարքերի գործողությունների վերաբերյալ հավելեց, որ Սիոնիստական ռեժիմի որոշ ռազմակայանների դեմ Իրանի գործողությունները համահունչ են ՄԱԿ-ի կանոնադրության 51-րդ հոդվածի համաձայն օրինական պաշտպանության իրավունքի իրացմանը և կատարվել են ի պատասխան Սիոնիստական ռեժիմի կրկնվող ոտնձգություններին, հատկապես Դամասկոսում Իրանի դիվանագիտական կենտրոնակայանի դեմ վերջին հարձակմանը:
Քանանի Չաֆին ասել է, որ Իրանի օրինական գործողությունները կատարվել են Սիրիայում Իրանի դեսպանատան հյուպատոսական բաժնի վրա Սիոնիստական ռեժիմի սադրիչ, հանդուգն և միջազգային օրենքներին հակասող քայլի դեմ, և ակնկալվում է, որ. Իրանի այս գործողությունը կարժանանա միջազգային հանրության հավանությանը:
Իրանի արտաքին գործերի նախարարության խոսնակը հայտարարել է, որ Իրանը չի ձգտում զարգացնել լարվածությունը տարածաշրջանում և հավատարիմ է միջազգային չափանիշներին ու օրենքներին, օգտագործելով իր անվիճելի իրավունքները օրինական պաշտպանության շրջանակում, հրթիռներով և անօդաչու սարքերով հարձակվել է Իսրայելի ռազմակայանների դեմ։
Իրանի դիվանագիտական կառույցի խոսնակը հավելել է, որ ակնկալվում է, որ մյուսները, այդ թվում՝ ԱՄՆ-ը, անտրամաբանական դիրքորոշումների ու խոսքերի փոխարեն, ուշադրություն կդարձնեն Իրանի տրամաբանական և պատասխանատու պատասխանին և կգնահատեն Իրանի գործողությունը՝ տարածաշրջանային կայունությունն ու անվտանգությունը պահպանելու համար։
Քանանի Չաֆին հավելել է, որ Սիոնիստական ապարտեիդի ռեժիմը, որպես ԱՄՆ-ի անսահմանափակ աջակցությունը վայելող արկածախնդիր դերակատար, ուշադրություն չի դարձրել Անվտանգության խորհրդի և Մարդու իրավունքների խորհրդի որոշումներին և շարունակում է իր ռազմական հանցագործություններն ու ցեղասպանությունը։
Նշելով, որ Իսլամական Հանրապետությունը միշտ հավատարիմ է եղել Հորմուզի նեղուցում նավարկության ազատությանը միջազգային օրենքների և կանոնակարգերի հիման վրա, իրանցի դիվանագետը հավելել է, որ միջազգային նավագնացության կանոնների խախտման պատճառով և չպատասխանելով Իրանի իշխանություններին, Իրանն առգրավել է իսրայելական նավը։
Իրանի արտաքին գործերի նախարարության խոսնակն ասել է, որ Իրանի Իսլամական Հանրապետությունը լրջորեն է վերաբերվում միջազգային օրենքների ու սկզբունքների շրջանակներում իր ազգային անվտանգության ապահովմանը և այդ կեցվածքը դրսևորել է նաև գործնականում։