ԻԻՀ առաջնորդի նամակն ընթերցվել է Իրաքում կայացած համաժողովում
Իրաքում կայացած համաժողովում ընթերցվել է Իսլամական հեղափոխության գերագույն առաջնորդի՝ ամերիկացի ուսանողներին ուղղված նամակը, որը ողջունել են շիա գիտնականները, սուննիները և իրաքցի ուսանողները։
Ամերիկյան համալսարաններում պաղեստինամետ ուսանողական շարժման մասնակիցներին ուղղված նամակում, ԻԻՀ առաջնորդն իր համերաշխությունն է հայտնել նրանց, հավելելով, որ այդ ուսանողները Դիմադրության մաս են դարձել։
Անդրադառնալով Արևմտյան Ասիայի ու աշխարհի զգայուն իրավիճակին, այաթոլլահա Խամենեին նշել է, որ համաշխարհային պատմությունը շրջադարձ է կատարում։
Նշելով, որ ուսանողները կանգնած են շրջադարձ կատարող պատմության ճիշտ կողմում, առաջնորդն ասել է․ «Հեռավոր վայրում, Դիմադրության ճակատը տարիներ շարունակ պայքարել է նույն ընկալումով ու զգացմունքներով, որ դուք ունեք այսօր»։
Առաջնորդը նշել է, որ իր ձևավորման առաջին իսկ օրից, Սիոնիստական ռեժիմը պաղեստինցիների նկատմամբ կիրառել է «երկաթե բռունցքի» քաղաքականությունը և անտեսելով մարդկային, կրանական ու բարոյական բոլոր սկզբունքները, օրեցօր ավելացնում է ճնշումները։
Իրանի հեռուստատեսության փոխանցմամբ՝ Բաղդադում կայացած համաժողովի մասնակիցները վերլուծել են ամերիկյան համալսարանների ուսանողներին ուղղված Իսլամական հեղափոխության գերագույն առաջնորդի նամակը և դրա ազդեցությունը արևմտյան, ինչպես նաև իսլամական երկրների ուսանողների վրա:
