Իրանի և Սաուդյան Արաբիայի արտգործնախարարների հեռախոսազրույցում քննարկվել են տարածաշրջանային և միջազգային հարցեր

Pars Today - Իրանի եւ Սաուդյան Արաբիայի արտգործնախարարները քննարկել են երկկողմանի կարեւորագույն խնդիրներն ու տարածաշրջանային ու միջազգային հարցերը։

Ինչպես հայտնում է Pars Today-ը՝ վկայակոչելով Իրանի ԱԳՆ տեղեկատվության և խոսնակի գլխավոր վարչությանը, Իրանի արտգործնախարար Սեյյեդ Աբբաս Արաղչին, Սաուդյան Արաբիայի արտգործնախարար էմիր Ֆեյսալ բին Ֆարհանի հետ հեռախոսազրույցում, քննարկել է տարածաշրջանային և միջազգային վերջին զարգացումները, ինչպես նաև Իսլամական համագործակցության կազմակերպության անդամ երկրների արտգործնախարարների առաջիկա հանդիպումը Ջիդդայում։

Առաջիկա օրերին Սաուդյան Արաբիայի Ջիդդա քաղաքում Իրանի առաջարկով նախատեսվում է անցկացնել Իսլամական համագործակցության կազմակերպության արտաքին գործերի նախարարների հանդիպումը՝ Գազայի հատվածից պաղեստինցիների հարկադիր տեղահանման վերաբերյալ առաջարկվող ծրագրերի վերաբերյալ։

Իրանի և Սաուդյան Արաբիայի հարաբերությունները 2023 թվականի մարտից թեւակոխել են նոր դարաշրջան, և երկու երկրները 7 տարվա լարվածությունից հետո աշխատում են երկկողմ հարաբերությունների զարգացման ուղղությամբ։

Հաշվի առնելով Իրանի և Սաուդյան Արաբիայի միջև դիվանագիտական ​​հարաբերությունների ներկա մակարդակը՝ թվում է, որ ապագայում երկու երկրների հարաբերություններն ավելի ու ավելի կընդլայնվեն տարբեր ոլորտներում, այդ թվում՝ անվտանգության և տնտեսական բնագավառներում: