Իսլամական հեղափոխության մեծարգո Առաջնորդի ուղերձն ուղղված Հաջջի մեծ համագումարին
Իրանի իսլամական հեղափոխության Մեծարգո Առաջնորդը Հաջջի ուխտագնացության առիթով կարևոր ուղերձ է հղել աշխարհի մուսուլմաններին: Այս ուղերձը հրապարակվում է այն պայմաններում, երբ Սաուդյան իշխանավորների խափանարարությունների պատճառով ոչ մի իրանցի ուխտավոր չի մասնակցում Հաջջի ուխտագնացությանը:
Այս տարվա ուղերձում Իսլամական հեղափոխության Մեծարգո Առաջնորդ՝ Այաթոլլահ Խամենեին ընդգծել է.«Իսլամ աշխարհը, ներառյալ մուսուլման ժողովուրդներն ու պետությունները, պետք է ճանաչեն Սաուդյան իշխանավորներին և նրանց անհավատ ու անպատկառ ինքնությունը: Պետք է նրանց պատասխանատվության ենթարկել Իսլամ աշխարհում գործած ոճիրների համար: Պետք է հիմնական որոշում ընդունել Հաջջի ուխտագնացության և սրբավայրերի կառավարման համար: Այս պարտականության մեջ թերացումը, ապագայում լուրջ խնդիրներ կհարուցի Իսլամական ժողովուրդների համար»:
Գերապատիվ Առաջնորդը ուղերձի մեկ այլ բաժնում նշել է.«Նրանք, ովքեր Իրանի ժողովրդի նկատմամբ իրենց ոխը թաքցրել են «Հաջջի ուխտագնացության քաղաքականացման» անվան տակ, ստոր սատանաներ են ,որոնք դողում են մեծ Սատանա ԱՄՆ-ի առջև:Սաուդյան իշխանավորները ,որ այս տարի իրանցի հավատացյալ ուխտավորների առջև փակել են Աստծո տուն տանող ճանապարհը, մոլորյալներ են ,որոնք իրենց գոյության հարատևումը գտնում են սիոնիզմի ու ԱՄՆ-ի հետ դաշնակցելու մեջ»:
«Մոտ մեկ տարի է անցնում Մինայի դեպքից, որի ընթացքում մի քանի հազար ուխտավորներ, պապակ շրթերով կորցրեցին իրենց կյանքը : Իսկ Մինայի դեպքից առաջ Ալ Հարամ մզկիթում աղոթող մի խումբ հավատացյալներ հրի ու սրի քաշվեցին: Սաուդյան իշխանավորները երկու դեպքում էլ մեղավոր են և դիտորդների կողմից առաջ է քաշվել այդ դեպքերի միտումնավոր լինելու վարկածը: Սաուդյան իշխանավորները ներողություն խնդրելու փոխարեն , ամենայն հանդգնությամբ հերքեցին իրենց պատասխանատվությունը և իրենց թշնամությունն Իսլամական հանրապետության նկատմամբ ավելի ու ավելի բացահայտեցին»,ասված է ուղերձում:
Մեծարգո Առաջնորդն ընդգծել է.«Սաուդյան քարոզչության լծակները ,այդ թվում վաշխառու դիվանագետներն ու մուֆթիները ,ովքեր Սուրբ գրքի դեմ ուղղված ֆեթվաներ են արձակում , զուր ջանքեր են գործադրում ,որպեսզի Իսլամական հանրապետությանը մեղադրեն իրանցի ուխտավորներին Հաջջի արարողությունից զրկելու հարցում: Խռովարար իշխանավորները թաքֆիրական խմբավորումներին ստեղծելով ու նրանց սպառազինելով, ներքաշվել են քաղաքացիական պատերազմների և անմեղ մարդկանց սպանությունների մեջ և Եմենը, Իրաքը, Սիրիան , Լիբիան ու որոշ երկրներ, մարդկանց արյամբ են շաղախել»:
«Անկրոն ու անխիղճ իշխանավորները ,ովքեր Մինայի մեծ աղետի պատճառ դարձան և այժմ խոսում են Հաջջի ուխտագնացությունը չքաղաքականացնելու մասին, ուրիշներին են մեղադրում այն մեծ մեղքերի մեջ ,որ իրենք են գործել : Իսլամ աշխարհը ,այդ թվում մուսուլման ժողովուրդներն ու պետությունները, պետք է ճանաչեն Սաուդյան իշխանավորներին և նրանց օձիքը բաց չթողնեն», ասված է ուղերձում:
Ուղերձի վերջին հատվածում Գերապատիվ Առաջնորդն ասել է.«Ես հարգում եմ անցած տարի Մինայի աղետի և Ալ Հարամ մզկիթի և իրանական 1366 թվականին Մեքքայի նահատակների հիշատակը և Բարձրյալն Աստծուց հոգու խաղաղություն եմ մաղթում նրանց»:
