Իրանը հակազդեց Արաբական պետությունների լիգայի նախարարների խորհրդի հաղորդագրությանը
ԻԻՀ ԱԳ նախարարության խոսնակը ԻԻՀ-ի դեմ ուղղված Արաբական պետությունների լիգայի նախարարների խորհրդի վերջին հաղորդագրությունը բնութագրեց միակողմանի ու անիրական, որը ծառայում է Սաուդյան Արաբիայի շահերին:
ԻՌՆԱ-ի հաղորդման համաձայն ԻԻՀ ԱԳ նախարարության խոսնակ Բահրամ Ղասեմին ուրբաթ օրը արձագանքելով ԱՊԼ-ի նախարարների խորհրդի վերջին հաղորդագրությանն, ընդգծեց. «ԻԻՀ-ն բարեկամաբար ճիշտ խորհելու, անկեղծության և աչքերն իրականությունների դիմաց բացելու կոչ է անում այս խորհրդին»:
«Եթե ԱՊԼ-ի նախարարների խորհուրդն անկեղծ է տարածաշրջանի երկրների միջև խաղաղ համակեցությանը սատարելու իր ցանկության մեջ և լրջորեն է տրամադրված բարի դրացիության ամրապնդմանը, պիտի Արաբիային կոչ անի դադարեցնել Սիրիայում, Իրաքում, Եմենում ու Բահրեյնում մարդկանց կոտորածին ու հալածանքներին, ինչպես նաև վերջ տալ տարածաշրջանում իր դաստիարակած ահաբեկչական խմբերին հովանավորելուց»,-հայտարարել է Ղասեմին:
Ղասեմին ընդգծեց. «Մինայի անցած տարվա ողբերգությունից տուժածների և նահատակների հարազատների միակ արդար ակնկալիքն է, որ բացահայտվի ճշմարտությունը և Արաբիան պատասխանատու լինի այս ողբերգության ու ամեն տարի Հաջջի արարողության ժամանակ պատահող նման աղետների կապակցությամբ»:
ԱՊԼ-ի ԱԳ նախարարների խորհուրդը հինգշաբթի օրն իր նստաշրջանի եզրափակիչ հաղորդագրության մեջ անդրադառնալով ՆՎ Այաթոլլահ Խամենեու արտահայտություններին, հավակնեց, որ նրա ընդգծումները չեն համապատասխանում իսլամի, մուսուլմանների և Հաջջի արարաղության համար Արաբիայի միջոցով վերցված քայլերի իրականությանը:
Հեղափոխության մեծահարգ առաջնորդը երեքշաբթի օրն Աստծո տան ուխտավորներին հղած իր տարեկան ուղերձում քննադատել է Հաջջի կազմակերպման հարցում Արաբիայի իշխանությունների թերացումները և իսլամական պետություններին ու ժողովուրդներին կոչ է արել հիմնական լուծում խորհել Մեքքայի ու Մեդինայի կառավարման համար:
