Զանգանե.-«ՕՊԵԿ-ը նպատակ ունի նավթի գինը հասցնել 55-60 դոլարի»
Իրանի նավթի նախարարի տեղեկացմամբ՝ ՕՊԵԿ-ի անդամ երկրները նպատակ ունեն նավթի գինը հասցնել 55-60 դոլարի սահմանը:
ՕՊԵԿ-ի գլխավոր քարտուղար Մոհամմեդ Բարկինդոյի հետ Թեհրանում ունեցած հանդիպումից հետո, Բիժան Նամդար Զանգանեն ասել է.-«Նավթի գինը պետք է շահավետ լինի և՛ արտադրողի, և՛ սպառողի համար: ՕՊԵԿ-ի անդամ երկրները որոշել են այն հասցնել 55-60 դոլարի»:
«Նոյեմբերի 30-ին գումարվելիք նիստին, ՕՊԵԿ-ի անդամ երկրների նավթի ու էներգետիկայի նախարարներն ամենայն հավանականությամբ համաձայնության են գալու այս հարցի շուրջ».-ավելացրել է Իրանի նավթի նախարարը:
ՕՊԵԿ-ի առաջիկա նիստի օրակարգում է լինելու նավթի գների սառեցման հարցը:
Մոհամմեդ Բարկինդոյի խոսքերով՝ Իրանը կառուցողական դեր ունի ՕՊԵԿ-ում:
ՕՊԵԿ-ի գլխավոր քարտուղարը Թեհրան է այցելել՝ կազմակերպության առաջիկա նիստի մասին Իրանի նավթի նախարարի հետ խորհրդակցելու, ինչպես նաև էներգետիկայի շուկայի իրադարձությունների և նավթային սառեցման հարցերի քննարկման նպատակով:
