Իրան.«ՀԳՀԾ-ին հավատարիմ չմնալու համար ծանր գին կպահանջվի»
Իրանի իսլամական հանրապետության Արտաքին գործերի փոխնախարար Աբբաս Էրաղչին ասել է.«Համատեղ գործողությունների համապարփակ ծրագրի նկատմամբ անհավատարմության դեպքում, այն ստորագրած կողմերից ծանր գին կպահանջվի .իսկ ՀԳՀԾ-ի խախտման դեպքում Իրանը պատրաստ է ցանկացած հավանական քայլի համար»:
Ուրբաթ օրը Սասակավա խաղաղության ճապոնական հիմնադրամի համագումարում ունեցած ելույթում, ՀԳՀԾ-ի և միջազգային ու տարածաշրջանային մասշտաբով միջուկային գործարքի ազդեցությունների մասին Էրաղչին ասել է.«ՀԳՀԾ-ն հզոր դիրք է զբաղեցնում միջազգային մասշտաբով և հովանավորվում է ոչ միայն ՄԱԿ-ի Անվտանգության խորհրդի թիվ 2231 բանաձևով, այլև ԵՄ-ի ու Միջազգային հանրության կողմից»:
Անընդունելի համարելով Իրանի հրթիռային ծրագրերի պատճառով ԱՄՆ-ի պատրվակները և հակաիրանական շրջափակումների կիրառումը, Էրաղչին ասել է.«Իսլամական հանրապետության հրթիռային ծրագիրը Իրանի ժողովրդի կարողությունների արդյունքն է և այս ծրագիրը պաշտպանական ու զսպողական բնույթ է կրում»:
Անդրադառնալով Իրան-Ճապոնիա վաղեմի հարաբերություններին, Էրաղչին նշել է.«ՀԳՀԾ-ից հետո Իրան-Ճապոնիա տնտեսական համագործակցությունները աճող ընթացք են ունեցել և հուսով ենք, որ ապագայում ևս արագ տեմպերով կզարգանան երկկողմ հարաբերությունները»:
