Զարիֆը Մասկատում հանդիպել է Օմանի ԱԳ նախարարի հետ
Իրանի Իսլամական Հանրապետության ԱԳ նախարարը Մասկատում հանդիպել է Օմանի ԱԳ նախարարի հետ: Հանդիպման ժամանակ կողմերը քննարկել են երկկողմ ու տարածաշրջանային հարցեր:
Իր տարածաշրջանային ուղևորության շրջանակում Իրանի ԱԳ նախարար Մոհամմեդ Ջավադ Զարիֆը երկուշաբթի օրը ժամանել է Օմանի մայրաքաղաք Մասկատ, որտեղ նա հանդիպում ու բանակցություն է ունեցել այդ երկրի ԱԳ նախարար Յուսեֆ Բեն Ալավիի հետ:
Այցի շրջանակներում Զարիֆը հանդիպելու և երկկողմ հարցերի, տարածաշրջանային ու միջազգային իրադարձությունների շուրջ խորհրդակցելու է նաև Օմանի մյուս բարձրաստիճան պաշտոնատարների հետ:
Շարունակելով իր տարածաշրջանային ուղևորությունը, Իրանի ԱԳ նախարարն Օմանից մեկօրյա այցով կմեկնի Կատար և երկկողմ ու տարածաշրջանային հարաբերությունների վերաբերյալ կբանակցի այդ երկրի պաշտոնյաների հետ:
