Զարիֆ.«Իրանն անկախ քաղաքականություն է վարում տարածաշրջանում»
Իրանի ԱԳ նախարարն ասել է.«Իրանի Իսլամական Հանրապետությունը տարածաշրջանում այլոց հռետորաբանությունից անկախ քաղաքականություն է հետապնդում»:
Թեհրանում լրագրողներին տված հարցազրույցում Մոհամմեդ Ջավադ Զարիֆը հավելել է.«Երբ ԱՄՆ նախագահ Դոնալդ Թրամփն իր ռազմավարական քաղաքականությունը հայտարարի Իրանի և Համատեղ գործողությունների համապարփակ ծրագրի վերաբերյալ, Իրանի Իսլամական Հանրապետությունը հարմար ժամանակ հարմար պատասխան կտա նրան»:
Նշելով, որ Միջինարևելյան տարածաշրջանը երկար ժամանակ է,որ տառապում է ԱՄՆ սխալ քաղաքականություններից, Իրանի ԱԳ նախարարը հստակեցրել է.«Իրանը մշտապես հանդիսացել է տարածաշրջանում կայունության հաստատման և թաքֆիրական ահաբեկիչներին դիմակայելու գործոն, և այս շրջանակում շարունակելու է իր քաղաքականությունը: Աշխարհի այլ երկրների համար գնալով պարզվում են տարածաշրջանի իրողությունները»:
Զարիֆը հավելել է.«ԱՄՆ-ն և նրա դաշնակիցները ձգտում են մեծ քանակությամբ զենք ու զինամթերք վաճառել Միջինարևելյան տարածաշրջանի երկրներին»:
«Իրանի Իսլամական Հանրապետությունն իր քաղաքականությունը հետապնդելու է իր ժողովրդի շահերի պաշտպանման շրջանակում», ընդգծել է Իրանի ԱԳ նախարարը:
