Զարիֆ.«Աֆղանստանում հակամարտությունը ռազմական լուծում չունի»
Իրանի արտգործնախարարն ընդգծել է, որ Աֆղանստանում հակամարտությունը ռազմական լուծում չունի և այդ կապակցությամբ պետք է համապարփակ ռազմավարություն մշակել:
Բաքվում կայացած «Ասիայի սիրտը» 7-րդ համագումարում, Մոհամմեդ Ջավադ Զարիֆը Աֆղանստանում ճգնաժամի կարգավորման ռազմավարության բացակայությունը կայուն խաղաղության հաստատման ճանապարհին գոյություն ունեցող խնդիրներից է համարել: Նա հավաստիացրել է, որ վերջին տարիների ընթացքում տարբեր ոլորտներում Աֆղանստանը լավ ձեռքբերումներ է ունեցել, սակայն պայքարել է արտաքին ոտնձգությանն ու ԻԼԻՊ-ի սպառնալիքի դեմ:
ԻԼԻՊ ահաբեկչական խմբավորումը լուրջ սպառնալիք բնութագրելով տարածաշրջանի ու Աֆղանստանի կայունության ու անվտանգության համար, Զարիֆը նշել է, որ տարածաշրջանի բոլոր երկրների համագործակցությամբ հնարավոր կլինի կանխել այդ սպառնալիքը:
Կարևորելով Աֆղանստանում խաղաղության հաստատմանն ուղղված ջանքերը, Զարիֆը նշել է, որ դեպի Եվրոպա թմրանյութի մաքսանենգման դեմ պայքարում Իրանը համագործակցում է Աֆղանստանի հետ և ձգտում է հիմնական ճանապարհ գտնել այդ հարցին վերջնական լուծում տալու համար:
Ուրբաթ առավոտյան Բաքվում կայացել է «Ասիայի սիրտը» 7-րդ համագումարը, Աֆղանստանում անվտանգությունն ամրապնդելու և այդ երկրի հետ հարաբերություններն ընդլայնելու թեմայով:
: