Թել Ավիվում հակակառավարական բողոքի ցույց է տեղի ունեցել
ԻՌՆԱ-ի հաղորդմամբ՝ չորեքշաբթի երեկոյան սիոնիստ ավանաբնակները հավաքվել են Իսրայելի վարչապետ Բենիամին Նեթանյահուի նստավայրի մոտ՝ պահանջելով անհապաղ ազատ արձակել գերիներին և զինադադարի համաձայնագիր ստորագրել պաղեստինյան Դիմադրության հետ:
Գերիների հարազատները դատապարտել են Սիոնիստական ռեժիմի ներքին անվտանգության նախարար Իտամար Բեն Գոյերին։ Ոստիկանությունը բռնություն է գործադրել ցուցարարների նկատմամբ։
Ըստ այս հաղորդման՝ ՀԱՄԱՍ-ի և Սիոնիստական ռեժիմի միջև հրադադարի շուրջ բանակցությունները փակուղի են մտել, և կողմերը չեն համաձայնվել ներկայացված առաջարկներին։
Բարդ և անարդյունք բանակցությունների շարունակությունը ձեռնտու է Սիոնիստական ռեժիմի վարչապետ Բենիամին Նեթանյահուին, ով ձգձգում է պատերազմը՝ փորձելով խուսափել դատարանում պատասխանատվության ենթարկվելուց։
Գազայում Սիոնիստական ռեժիմի հանցագործությունների ստվերում ՀԱՄԱՍ-ը չի ցանկանում բանակցել սիոնիստ հանցագործների հետ և միջնորդներին կոչ է անում ճնշում գործադրել Իսրայելի վրա և սահմանել բանակցությունների հստակ ժամանակ, կամ փակել հարցը։
2023թ․ հոկտեմբերի 7-ից, արևմտյան երկրների լիակատար աջակցությամբ և միջազգային հանրության ու իրավապաշտպան կառույցների լռության պայմաններում, Սիոնիստական զավթիչ ռեժիմը Գազայի հատվածում ցեղասպանության է ենթարկում Պաղեստինի անպաշտպան և ճնշված ժողովրդին: