Սիրիայի ժողովուրդն ու բանակը միավորվել են՝ Թուրքիայի ագրեսիային դիմակայելու համար
Վեց օր անցել է Թուրքիայի կողմից Սիրիայի հյուսիսային հատվածի վրա իրականացվող հարձակումների մեկնարկից: Սիրիական զորքերը շարժվել են դեպի այդ երկրի հյուսիսային շրջաններ,որտեղ ժողովուրդը ջերմ ու սիրով դիմավորել է նրանց:
Թուրքական զինուժը չորեքշաբթի օրվանից լայնածավալ ռազմական գործողություն է սկսել Սիրիայի հյուսիսում ՝ «ահաբեկչության դեմ պայքարի» և «սիրիա-թուրքական սահմանն այն զինյալներից մաքրելու» պատրվակով, որոնց Անկարան անվանում է ահաբեկիչներ:
Գործողությունը մեկնարկել է ԱՄՆ-ի վառած «կանաչ լույսով»:
Թուրքիայի ագրեսիան սկսվելուց հետո, մի շարք քրդական խմբեր և Սիրիայի հյուսիսային շրջանների մեծ թվով բնակիչներ դիմել են երկրի իշխանություններին և խնդրել կառավարական զորքեր տեղակայել հյուսիսային շրջաններում ՝ Թուրքիայի ագրեսիայից և՛ ժողովրդին և՛ տարածքը պաշտպանելու համար:
Սիրիայի բանակն ի պատասխան այդ դիմումին, տեղակայվել է հյուսիսային շրջաններում և Ալ-Հասաքե նահանգում բնակիչները սիրով դիմավորել են կառավարական զորքին: Սիրիական զորքի ներկայությունը հյուսիսային շրջաններում արդյունքն է օրերս սիրիական իշխանությունների հետ Դամասկոսում ու Ղամիշլիում քրդական խմբավորումների ձեռք բերած համաձայնության:
Թուրքիայի բանակի կողմից հարձակման ենթարկված տարածքներում Սիրիական զորքերի ներկայությունը մի քանի տեսակետից ուշադրության արժանի է:
Առաջին՝Սիրիայի բանակն այդ երկրի բոլոր տարածքների բնակչության անվտանգության պաշտպանությունը իր գլխավոր պարտականությունն է համարում: Այդիսկ պատճառով այդ տարածքների բնակիչները սիրով դիմավորեցին կառավարական զորքերին,ինչը վկայում է Սիրիայի բանակի և ժողովրդի, ներառյալ քրդերի ու արաբնեի միջև առկա խոր կապի մասին:Դա իհարկե է նկատվեց դեռ 9 տարի առաջ,երբ համաժողովրդական շարժում ձևավորվեց և օգնեց երկրի բանակին:
Երկրորդ կետն այն է,որ Սիրիայի կառավարությունն ու բանակը երկրի ողջ աշխարհագրության ու տարածքային ամբողջականության պաշտպանությունն իր պարտականությունն ու գերակայությունն է համարում և տարբերություն չունի ,թե երկրի աշխարհագրական ո՞ր հատվածն է ենթարկվել օտարերկրյա կամ ահաբեկչական խմբավորումների հարձակման:
Այս կապակցությամբ Ֆեյսալ Մեղդադը հայտարարել է,որ Սիրիան կպշատպանի իր ամբողջ տարածքը և թույլ չի տա բռնագրավել այս երկրի անգամ մեկ թիզ հողը:
Երրորդ կետն այն է,որ Սիրիայի բանակի մուտքը թուրքական զինուժի կողմից ագրեսիայի ենթարկված տարածքներ, ցույց է տալիս,որ սիրիական հատկապես քրդական խմբերը չպետք է իրենց անվտանգության ապահովումն վստահեն մեկ օտար երկրի, քանզի օտար երկրի հովանավորությունը ժամանակավոր է և պայմանավորված է տվյալ երկրի շահերով: Սակայն երկրի Սահմանադրության շրջանակում քայլելը և անվտանգության ապահովման ուղղությամբ բանակի հետ համագործակցելը ոչ միայն ժամանակավոր չէ ,այլև վստահելի ու կայուն է:
Չորրորդ՝թուրքական զորքերի կողմից Սիրիայի դեմ իրականացված հարձակումը և ԱՄՆ-ի կողմից վերջինիս ցուցաբերվող աջակցությունը ցույց է տալիս,որ Անկարայի կողմից Սիրիայի դեմ իրականացված հարձակման գլխավոր նպատակը Իդլիբի ազատագրման գործողությունների վրա ազդելն է:
Թուրքական զորքերն այն ժամանակ հարձակվեցին Սիրիայի վրա, երբ ահաբեկիչները Իդլիբում ճնշման տակ էին գտնվում և Սիրիայի բանակն ու նրա դաշնակիցները կարևոր հաջողություններ էին արձանագրել,մինչդեռ Թուրքիան և ԱՄՆ-ն Իդլիբի ազատագրման գործողությունների գլխավոր հակառակորդներն էին:
