Մեկնաբանություն-Ադրբեջանի հետ սահմանին Իրանի ԻՀՊԿ ցամաքային ուժերը զորավարժություններ են մեկնարկել
Իրանի Արևելյան Ատրպատական և Արդաբիլ նահանգների միջև ընկած Արաքս ընդհանուր տարածքում մեկնարկել են ԻՀՊԿ ցամաքային զորքերի զորավարժությունները:
Կորպուսի ցամաքային զորքերի հրամանատար, բրիգադի գեներալ Մոհամմադ Փաքփուրը հայտարարել է, որ հարևան երկրներին այս զորավարժության ուղերձը խաղաղությունն ու բարեկամությունն է և կայուն անվտանգության ամրապնդումը, իսկ թշնամիներին՝ ԻՀՊԿ ցամաքային ուժերի և այլ զինված ուժերի պատրաստակամությունը՝ պաշտպանելու երկրի սահմանները և վճռական արձագանքելու ցանկացած սպառնալիքի:
Անկասկած որոշ արտաքին ուժեր արեւմտյան տիրակալ կառավարությունների օգնությամբ ձգտում են հարվածել Իրանի սահմաններին։ Ուստի Իսլամական հեղափոխության պահապանների կորպուսի ցամաքային զորավարժությունը կայանում է մի իրավիճակում, երբ ղարաբաղյան հակամարտության ավարտից և 2020 թվականի նոյեմբերի 9-ի կեսգիշերին, ՌԴ միջնորդությամբ Ադրբեջանի Նախագահի և Հայաստանի վարչապետի միջև տասը կետանոց համաձայնագրի ստորագրումից հետո, Իլհամ Ալիևի կառավարության պաշտոնատարները օտարների խորհրդներին հետևելով, պահանջում են Հայաստանի հարավային շրջաններից միջանցք ստանալ Նախիջևանին միանալու համար:
Այս պահանջն ավելի վաղ ներկայացրել են Թուրքիայի իշխանությունները։ Ակնհայտ է, որ Ադրբեջանին նման միջանցքի հանձնմամբ, մրցակցությունից դուրս կմնան Հայաստանի հետ Իրանի սահմանները, և Հայաստանի ճանապարհով դեպի Սև ծով, Վրաստան և Ռուսաստան Իրանի տարանցիկ ճանապարհի կառուցումը: Այս դառը իրադարձությունը կարող է հանգեցնել Հայաստանի կործանման ու մասնատման և Իրանին զրկել շահավետ ու ազդեցիկ տարանցիկ ճանապարհից։ Այդ իսկ պատճառով Թեհրանը բազմիցս ընդգծել է, որ դեմ է տարածաշրջանում աշխարհաքաղաքական փոփոխություններին:
Իրանի հյուսիսային սահմաններում աշխարհաքաղաքական փոփոխությունների հետ կապված ջանքերից զատ, որոնք օրակարգ են մտցվել օտարների դավադրություններով, վերջերս՝ հրեական գործակալության (Սուխնոտ) գրասենյակի փակվելուց հետո, սիոնիստական ռեժիմիիշխանությունները որոշեցին այս գործակալության գրասենյակը Մոսկվայից տեղափոխել Բաքու։
Եվրամիությունում Ադրբեջանի նախկին դեսպան՝ Արեֆ Շահմարլին, նախկին անունով՝ Արեֆ Մոհամմեդովն ասել է.«Սուխնոտ սիոնիստական կազմակերպության գործունեության գրասենյակը Բաքու տեղափոխելով՝ այսուհետ Ադրբեջանի Հանրապետությունում պայմաններ կստեղծվեն Ռուսաստանից հեռացած հրեաների ներկայության համար»:
Փաստորեն, Սուխնոտի գրասենյակը տեղափոխելով Ադրբեջանի տարածք՝ Իսրայելը հնարավորություն է գտել դիվերսիոն գործողություններ իրականացնել Իրանի սահմաններում։ Մինչդեռ Իլհամ Ալիևի կառավարությունը վերջին տասնամյակների ընթացքում անվտանգության տասնյակ համաձայնագրեր է ստորագրել Իրանի հետ։ Այս պայմանագրերով Իրանը և Ադրբեջանի Հանրապետությունը պարտավորվել են կանխել երրորդ կողմերի հարձակումները մյուս կողմի վրա: Ինչևէ, չպետք է անտեսել այն փաստը, որ Ադրբեջանի տարածքում Սիոնիստական ռեժիմի արկածախնդրությունները, ի վերջո, կլինեն ի վնաս Հարավային Կովկասի միակ մահմեդական երկրի կառավարության և ժողովրդի:
Հաշվի առնելով վերջին իրադարձությունները, անկասկած, Իրանի հյուսիսարևմտյան սահմաններում անցկացվող ցամաքային զորավարժությունները կարող են Իրանի ռազմական հնարավորությունների մի չնչին մասը հիշեցնել տարածամոլ և արկածախնդիր կողմերին, ասելով թե չպետք է նեղության մատնել հարուստ պատմություն ու մշակույթ ունեցող ժողովրդին ու մեծ պետությանը և այդպես լինելու դեպքում, հաստատ կործանվելու են:
