Մամուլի տեսություն - 22.09.2023

Ադրբեջանական բանակի վերջին հարձակումները Լեռնային Ղարաբաղի վրա, հակամարտությունները, ինչպես նաև դրանից հետո կնքված խաղաղության պայմանագիրը լայնորեն արտացոլվել են իրանական մամուլում։

Ջավան օրաթերթ

Իսրայելական առաջադեմ հրթիռը գրավվել է հայկական ուժերի կողմից

Հայկական աղբյուրները ուշագրավ նկարներ են հրապարակել Սիոնիստական ​​ռեժիմին պատկանող Spike հակազրահատեխնիկայի առգրավումից։ «Կրակեք և մոռացեք» ունակությամբ «Սփայկ» հակազրահապատ հրթիռը արտադրվել է Սիոնիստական ​​ռեժիմի Ռաֆայել ընկերության կողմից, և ադրբեջանական բանակը այս ռեժիմից գնել և օգտագործում է այդ հրթիռի տարբեր մոդելներ։

Spike հրթիռը LR/LR2 տարբերակով ունի մոտ 5,5 կմ հեռահարություն: Երեկ այս հրթիռը կիրառվել է նաեւ ադրբեջանական զինուժի հարձակումներում ադրբեջանական բանակի դիրքերի վրա, որը կարծես թե գրավվել է հայկական հատուկ ջոկատայինների կողմից Բաքվի ուժերի հիմնական գծերի վրա հարձակման ժամանակ։

Իրան օրաթերթ

Իրանի նախագահի ելույթը YouTube-ում ՄԱԿ-ի ալիքի ամենաշատ դիտված ելույթն է

YouTube-ում ՄԱԿ-ի ալիքը հրապարակել է տարբեր երկրների պետական ​​այրերի Գլխավոր ասամբլեայի վերջին մի քանի օրերի ելույթները, որոնց թվում ամենաշատ դիտումները ունեցել է Իրանի նախագահի ելույթը։ Դոկտոր Ռաիսիի ելույթը երկու անգամ ավելի շատ դիտումներ ունի, քան Բայդենն ու Զելենսկին։

Դնյայե Էղթեսադ

Ռուսաստանն արգելել է վառելիքի արտահանումը շատ երկրներ

Ռուսաստանի կառավարությունը հայտարարություն է տարածել, որ ներքին էներգետիկ շուկան կայունացնելու նպատակով ժամանակավորապես արգելել է բենզինի և դիզվառելիքի արտահանումը երկրներ։

Շարշ օրաթերթ

Թել Ավիվը համագործակցում է Ամերիկայի հետ Սաուդյան Արաբիայում ուրանի հարստացման համար

Wall Street Journal. Իսրայելի պաշտոնյաները հանգիստ աշխատում են Բայդենի վարչակազմի հետ Սաուդյան Արաբիայում ուրանի հարստացման ԱՄՆ-ի գլխավորությամբ սկսելու առաջարկի շուրջ՝ որպես Ռիադի և Թել Ավիվի միջև հարաբերությունների կարգավորման գործարքի մաս:

Ուրանը հարստացնելու Սաուդյան Արաբիայի փորձը ամենադժվար խնդիրներից մեկն է, որին բախվում են ԱՄՆ-ի և Սիոնիստական ​​ռեժիմի ղեկավարները՝ համաձայնության հասնելու փորձերում:

news.am

Դասադուլ հայտարարած ուսումնական հաստատությունների թիվն ավելանում է. մի շարք ընկերություններ գործադուլ են անում

Մի շարք ուսումնական հաստատությունների ուսանողներ հայտարարել են դասադուլ և միացել են Արցախի ճակատագրով մտահոգ քաղաքացիների ինքնաբուխ անհնազանդության ակցիաներին:

Ուսումնական հաստատությունների թիվը ընթացքում ավելանում է: Այս պահի դրությամբ դասադուլ են հայտարարել՝ ԵՊՀ-ի, Բրյուսովի, Մանկավարժականի, Ֆրանսիականի, ԵՊԲՀ-ի, Երևանի թատրոնի և կինոյի, Եվրոպականի, Ֆրանսիականի, Կոնսերվատորիայի, Տնտեսագիտականի, Երևանի Տարածաշրջանային N1 պետական քոլեջի ուսանողներ: ԵՊՀ դասախոս Ռուբինա Պետրոսյանը նույնպես միացել է հայտարարված դասադուլին: Նա նշել է, որ որպես ԵՊՀ դասախոս` լիովին և անվերապահ սատարում է ուսանողների դասադուլը: «Հայրենիքից ու պետականությունից վեր ոչինչ չկա»,- ասել է նա: Դասադուլի կոչ է արել նաև Թատերականի դասախոս Աննա Հեքեքյանը: Դասադուլ են հայտարարել նաև թիվ 29 դպրոցի և Ֆիզմաթ դպրոցի մի խումբ աշակերտներ:

Գործադուլ են անում նաև մի շարք ընկերություններ, օրինակ՝ «Անռիվա տուր»-ը միացել է գործադուլին և հայտարարել, որ այս դժվարին իրավիճակում իրենք պարտավոր են կանգնել Արցախի մեր հայրենակիցների կողքին: Գործադուլ են հայտարարել նաև HAYAT restaurant & music hall-ը, Hayat Project-ը:

Նշենք, որ չնայած ոստիկանության կողմից համատարած բիրտ ուժի գործադրմանը՝ քաղաքացիները շարունակում են անհնազանդության ակցիաները Երևանում, փակում են փողոցները, վանկարկում «Արցախ», «Նիկոլ, դավաճան», եւ մյուս քաղաքացիներին կոչ են անում միանալ Արցախի փրկության համար ժողովրդական ընդվզման ալիքին։ Մայրաքաղաքի տարբեր փողոցներից կարմիր բերետավորները բիրտ մեթոդներով են բերման ենթարկում ցուցարարներին, մի քանի ոստիկանով հարձակվում են մեկ մարդու վրա, դաժանաբար ծեծում, նույնիսկ նրանց, որոնց արդեն նստեցրել են մեքենան։ Շատ քաղաքացիներ բերման ենթարկվելիս վնասվածքներ են ստացել:

news.am

Բանակցություններ են ընթանում զորքի հետքաշման և  քաղաքացիների՝ բնակավայր վերադառնալու գործընթացը կազմակերպելու համար

Ռուս խաղաղապահների միջնորդությամբ բանակցություններ են ընթանում ադրբեջանական կողմի հետ՝ զորքերի հետ քաշման գործընթաց կազմակերպելու և ռազմական ագրեսիայի հետևանքով տարհանված քաղաքացիների՝ իրենց բնակավայրերը վերադարձն ապահովելու ուղղությամբ: Այս մասին հայտնում է Արցախի տեղեկատվական շտաբը։

Միաժամանակ քննարկվում է նաև քաղաքացիների Արցախ մուտքի և Արցախից ելքի ընթացակարգը:

tert.am

Մոսկվան ոչ կոռեկտ դիվանագիտական վարքով երկարաձգում է Փաշինյանի իշխանությունը․ Աբրահամ Գասպարյան 

Մոսկվան ոչ կոռեկտ դիվանագիտական վարքով երկարաձգում է Փաշինյանի իշխանությունը։

«Կիզակետում Արկադի Գրիգորյանի հետ» հաղորդման ժամանակ ասել է «Ջենեսիս-Արմենիա» ուղեղային կենտրոն-հիմնադրամի ղեկավար Աբրահամ Գասպարյանը․

«Զախարովան ու Սիմոնյանը չպետք է մեզ ասեն՝ ինչ անենք, նրանց ասածը հակառակ էֆեկտ է ունենում։ Շատ քաղաքացիներ այդ կոչերը լսելով, կարող են մտածել, որ ակցիաների կազմակերպման մեջ Ռուսաստանը դեր ունի և չգան։

Հայաստանը ինքն է որոշում իր ազգային դատի վրա ձեռք բարձրացրածին իշխանազրկել, թե ոչ, այլ ոչ թե Ռուսաստանը, Իրանը, Թուրքիան կամ մեկ այլ երկիր։ Հավատում եմ, որ 1-2 շաբաթում Հայաստանում իշխանափոխության խնդիրը կլուծվի։ Փաշինյանն իրավիճակին չի տիրապետում, աթոռը սասանված է, 13-14 տոկոս աջակից ունի, որի 6-7 տոկոսն էլ վարչական ռեսուրսն է։ Սակայն պետական ապարատում էլ՝ ուժայիններից մինչև միջին բյուրոկրատիա, օձիք են թափ տալիս»,-նշել է Գասպարյանը։

Նրա կարծիքով Արցախի վրա Բաքվի վերջին հարձակումը Երևան-Բաքու պայմանավորվածության հետևանք էր։ Քաղաքագետը համոզված է, եթե չլինի Փաշինյանը, չի լինի սպասվող «խաղաղության» նվաստացուցիչ պայմանագիրը։

tert.am

Երեկվա ընթացքում հնարավոր է եղել շուրջ 70-80` մինչև այս պահը անհետ կորած համարվող արցախցիների շրջափակումից անվտանգ դուրս բերումը. Տիգրան Աբրահամյան

Ադրբեջանի հետ բանակցություններում առաջնային խնդիրներից է` զոհված մեր հերոսների մարմինը ռազմադաշտից դուրս բերելն է, ինչպես նաև` վիրավոր, անհետ կորած և գերեվարված (հավանական) զինծառայողների հետ կապի դուրս գալն ու անվտանգ վայր դուրս բերելը:

Այս մասին իր ֆեյսբուքյան էջում գրել է ԱԺ «Պատիվ ունեմ» խմբակցության պատգամավոր Տիգրան Աբրահամյանը.

«Երեկվա ընթացքում հնարավոր է եղել շուրջ 7-8 տասնյակ` մինչև այս պահը անհետ կորած համարվող արցախցիների հետ կապի հաստատումն ու շրջափակումից անվտանգ դուրս բերումը:

Վերջին գործողությունների հետևանքով եղել են շրջափակման մեջ գտնվող դիրքեր, որտեղից մեր զինծառայողներին բանակցությունների միջոցով դուրս են բերվել»,- ասել է նա:

armenpress.am

Ադրբեջանի ագրեսիայի հետևանքով զոհվածների հուղարկավորության կազմակերպման հարցերով զբաղվելու համար Արցախում աշխատանքային խումբ է ստեղծվել

Ռազմական ագրեսիայի հետևանքով զոհվածների հուղարկավորության կազմակերպման հետ կապված հարցերով զբաղվում է Արցախի Հանրապետության սոցիալական զարգացման և միգրացիայի նախարարության գլխավոր մասնաշենքում (Ստեփանակերտ, Ազատամարտիկների 54) տեղակայված աշխատանքային խումբը:

«Արմենպրես»-ն այս մասին տեղեկանում է Արցախի տեղեկատվական շտաբի տարածած հաղորդագրությունից:

Հաղորդագրության մեջ նշվում է նաև հեռախոսահամար (047) 94-28-57 ՝ լրացուցիչ տեղեկություններ ստանալու համար:

Ադրբեջանը սեպտեմբերի 19-ին Լեռնային Ղարաբաղի դեմ լայնածավալ հարձակում սկսեց, ինչի հետևանքով վերջին տվյալներով հայկական կողմն ունի առնվազն 200 զոհ և ավելի քան 400 վիրավոր։ Զոհերի և վիրավորների թվում կան քաղաքացիական անձինք՝ այդ թվում երեխաներ:

armnepress.am

Փաշինյանը Տոյվո Կլաարի հետ քննարկել է Լեռնային Ղարաբաղի շուրջ ստեղծված ռազմաքաղաքական իրավիճակը

Հայաստանի վարչապետ Նիկոլ Փաշինյանն ընդունել է Հարավային Կովկասի ու Վրաստանի ճգնաժամի հարցերով Եվրոպական միության հատուկ ներկայացուցիչ Տոյվո Կլաարին:  

Ինչպես «Արմենպրես»-ին տեղեկացրին ՀՀ վարչապետի աշխատակազմից, հանդիպմանը մասնակցել է նաև Հայաստանի Հանրապետությունում ԵՄ պատվիրակության ղեկավար, դեսպան Վասիլիս Մարագոսը:  

Քննարկվել են Լեռնային Ղարաբաղի շուրջ ստեղծված ռազմաքաղաքական իրավիճակն ու դրա հաղթահարմանն ուղղված քայլերը:  

Երկուստեք ընդգծվել է Լեռնային Ղարաբաղի ժողովրդի անվտանգության և իրավունքների ապահովման երաշխիքների անհրաժեշտությունը։  

Անդրադարձ է կատարվել նաև Հայաստան-Ադրբեջան սահմանին առկա իրավիճակին:   

Մտքեր են փոխանակվել Հայաստանի և Եվրոպական միության միջև առկա համագործակցության ընթացքի շուրջ: