Մեկնաբանություն- Ցուցարարները վերադարձել են փողոցներ Նեթանյահուի հրաժարականի համար
Օկուպացված տարածքներում ժողովուրդը կրկին ցույցեր է անցկացրել և պահանջել Բենիամին Նեթանյահուի հրաժարականը վարչապետի պաշտոնից։
Օկուպացված տարածքներում Բենիամին Նեթանյահուի կաբինետի ձևավորումից անցել է 10 ամիս։ Այս 10 ամիսների ընթացքում Նեթանյահուն առավել քան որևէ բան բախվել է օկուպացված տարածքների բնակիչների հրաժարականի պահանջներին։
Զավթված տարածքների ժողովուրդն ընդգծել է Նեթանյահուի հրաժարականը վարչապետի պաշտոնից՝ կազմակերպելով մի քանի հարյուր հազարանոց ցույց, որը Սիոնիստական ռեժիմի պատմության մեջ ամենամեծ ցույցն էր, սակայն Նեթանյահուն, ընդդիմանալով հրաժարականի պահանջին, սկսեց ճնշել ցուցարարներին։
Նեթանյահուի հրաժարականի պահանջի ամենագլխավոր պատճառը դատական բարեփոխումների ծրագիրն էր, որը Սիոնիստական ռեժիմի դատական համակարգի լիազորությունները նվազեցնելով հանդերձ, մեծացնում է նախարարների դատական լիազորությունները։ Մարդիկ և քննադատները կարծում են, որ այս ծրագիրը համահունչ է Նեթանյահուի՝ բռնապետություն հաստատելու և գրավյալ տարածքներում իշխանությունների տարանջատումը վերացնելու փորձին։
Հոկտեմբերի 7-ին «Ալ-Աղսայի փոթորիկը» գործողությամբ, որն իրականացվել է ՀԱՄԱՍ-ի ռազմական թևի «Ալ-Ղեսամ» գրոհայինների կողմից և Սիոնիստական ռեժիմին պարտադրել է հետախուզական և ռազմական ամենամեծ պարտությունը, ժամանակավորապես դադարեցվել են շարունակական ժողովրդական ցույցերը:
Սակայն ցույցերի դադարեցումը տևեց ընդամենը երկու շաբաթ, և Թել Ավիվի հազարավոր բնակիչներ շաբաթ օրը ցույց են անցկացրել՝ պահանջելով Իսրայելի վարչապետ Բենիամին Նեթանյահուի հրաժարականը։
Այս անգամ Նեթանյահուի հրաժարականի պահանջի հիմնական պատճառը ՀԱՄԱՍ բանտում իսրայելցի բանտարկյալների վիճակի անտեսումն է։
Գազայի հատվածի դեմ համակողմանի հարձակումները շարունակվելով, Նեթանյահուն ոչ մի ջանք չի գործադրում իսրայելցի բանտարկյալներին ազատելու համար, և նույնիսկ ենթադրություններ կան, որ Նեթանյահուի համար բանտարկյալների ճակատագիրը կարևոր չէ, և նա նույնիսկ նրանց սպանելու գնով, մտադիր է ցամաքային հարձակում իրականացնել Գազայի դեմ:
Ցույցեր անցկացնելուց բացի, մարդիկ սոցհարցումներում կարևորում են Նեթանյահուի հրաժարականը։ Սիոնիստական «Jerusalem Post» թերթը հայտարարել է, որ հարցման արդյունքները ցույց են տալիս, որ իսրայելցիների 56 տոկոսը, կարծում է, որ Նեթանյահուն պետք է հրաժարական տա Պաղեստինի ժողովրդի և դիմադրության խմբերի հետ վերջին հակամարտությունից անմիջապես հետո։ Հրապարակված հարցման համաձայն՝ Իսրայելի քաղաքացիների միայն 28%-ն է աջակցում Նեթանյահուի գործունեությանը նույնիսկ Գազայի պատերազմի ժամանակ։ Այս զեկույցը պարզեց, որ հինգ իսրայելցիներից չորսը Նեթանյահուին և նրա կոալիցիոն կաբինետին պատասխանատու են համարում Ալ-Աղսայի փոթորիկը գործողության և Երուսաղեմի օկուպացիոն ռեժիմի ծանր ձախողման համար:
Ժողովրդական ցույցերը և հարցումների արդյունքները ցույց են տալիս, որ Գազայի հատվածի դեմ իրականացված համակողմանի հարձակումները և երեխաների սպանությունը ոչ միայն չեն կարողացել փրկել Նեթանյահուին և նրա կաբինետին լուծարվելու վտանգից, այլև Գազայի պատերազմում Նեթանյահուի կառավարության գործելակերպը ժողովրդի համար մեկ այլ գործոն է Նեթանյահուի հրաժարականը պահանջելու համար:
Նեթանյահուն ենթադրում էր, որ ինքը կկարողանա կառավարել Թել Ավիվի անվտանգության հավասարումները պաղեստինցիների հետ լայնածավալ պատերազմի և կանանց ու երեխաների սպանության դեպքում, սակայն այժմ այդ հասկացությունը ևս տապալվել է։ Եթե Նեթանյահուն չփորձի ազատել ՀԱՄԱՍ-ի կողմից պահվող նվազագույնը 210 իսրայելցի բանտարկյալներին, ինքը և իր կաբինետը հաստատ անկում կապրեն:
