Սիրիայի կառավարության հետ քրդերի բանակցությունները շարունակվում են
Սիրիայի «Ժողովրդավարական միություն կուսակցության» պատասխանատուներից մեկը հայտարարել է.«Ռաքա, Հասաքա և Դեյր Էլ-Զոր նահանգների վերաբերյալ Սիրիայի կառավարության և այդ երկրի քրդերի միջև բանակցությունները շարունակվում են»:
Ինչպես հաղորդում է ՖԱՐՍ լրատվական գործակալությունը, Սիրիայի «Ժողովրդավարական միություն կուսակցության (PYD)» պատասխանատուներից Շաֆան Խաբուրին ասել է.«Սիրիայի զորքի մուտքը Մանբիջ, այդ երկրի կառավարության հետ բանակցության արդյունքն էր»:
Նա հստակեցրել է.« Ջարաբալուսի, Ալ-Բաբի և Աֆրինի դեպքերի կրկնվելը և այդ քաղաքների վրա Թուրքիայի տիրապետությունը կանխելու նպատակով, Սիրիայի զինված ուժերին կոչ էր արվել մուտք գործել Մանբիջ»:
Սիրիայի հյուսիսային հատվածում գտնվող քրդերի դիրքերի վրա հարձակվելու համար Թուրքիայի վերջին սպառնալիքների հետ միաժամանակ, Ժողովրդի պաշտպանության միավորների (YPG) կենտրոնական հրամանատարությունը մի հաղորդագրություն է տարածել,որում Սիրիայի բանակին կոչ է արել Մանբիջի տարածքի վերահսկողությունը վերցնել իր ձեռքը և թույլ չտալ այն անցի Թուրքիայի վերահսկողության տակ:
Սիրիայի բանակի ստորաբաժանումները երեքշաբթի օրը մտել են Մանբիջ և Սիրիայի Ազգային դրոշը ծածանել են քաղաքի երկնքում: