Հավանական է, որ առաջիկա շաբաթների ընթացքում սկսվի Սիրիայից ամերիկացի բանակայինների դուրս բերումը
ԱՄՆ-ի բանակի կենտրոնական շտաբի հրամանատարը հայտարարել է, որ հավանաբար առաջիկա շաբաթների ընթացքում սկսվելու է Սիրիայից ամերիկացի բանակայինների դուրս բերումը:
Ռոյտերս լրատվական գործակալության հաղորդման համաձայն, կիրակի երեկոյան, ԱՄՆ-ի բանակի կենտրոնական շտաբի հրամանատար Ժոզեֆ Վոթելն ասել է.«Նախագահ Դոնալդ Թրամփի հրամանով, առաջիկա շաբաթների ընթացքում սկսվելու է Իրաքից ամերիկյան ուժերի դուրսբերումը»:
Միջին Արևելքում ԱՄՆ-ի ուժերին վերահսկող Վոթելը հայտարարել է, որ Իրաքում ամերիկացի բանակայինների թիվը կայուն է մնալու:
Ուոլ Սթրիթ Ժուրնալ օրաթերթը վերջերս գրել էր, որ ԱՄՆ-ի բանակը պատրաստվում է մինչև 2019թ. ապրիլի վերջերը լիովին դուրս գալ Սիրիայից:
2018թ. դեկտեմբերին Սիրիայից ամերիկացի զորայինների դուրս գալու մասին հայտարարելով, Թրամփը 30-օրյա ժամանակացույց էր ճշտել:
Անցած շաբաթ, ԱՄՆ-ի Սենատը քվեարկեց ամերիկացի բանակայինների Սիրիայում մնալու օգտին: Նրանց այդ նախագիծը որոշ փուլեր անցնելուց հետո, օրենքի կվերածվի: