Եմենական ԱԹՍ-երի գործողությունների հետևանքով, հրդեհ է բռնկվել Արաբիայի նավթամուղի վրա
Սաուդյան Արաբիայի էներգետիկայի նախարարը հայտարարել է.«Կարմիր ծովի ափին, Ալ-Շարղիեի տարածքից Յանբո ձգվող նավթամուղը հայտնվել է անօդաչու թռչող սարքերի հարձակման թիրախում»:
Ալ-Ջազիրա հեռուստաընկերության հաղորդման համաձայն՝ Սաուդյան Արաբիայի էներգետիկայի նախարար Խալեդ Ալ Ֆալեհը երեքշաբթի օրը հայտնել է, որ Կարմիր ծովի ափին գտնվող Ալ-Շարղիեի և Յանբոյի տարածքների միջև ձգվող նավթամուղի աշխատանքը դադարեցվել է՝ այն վերանորոգելու նպատակով:
Հղում անելով անվտանգության մի աղբյուրի, Սաուդյան Արաբիայի լրատվական գործակալությունը հաստատել է, որ Արաբիայի Aramco պետական նավթային ընկերությանը կապված երկու նավթային պոմպակայաններ, հարձակման են ենթարկվել:
Արաբիայի էներգետիկայի նախարարը, հաստատելով այդ լուրը, հայտարարել է, որ տարածքի հրդեհը մարվել է:
Ավելի վաղ, «Ալ-Մասիրա» հեռուստաալիքը հաղորդել էր, որ յոթ եմենական անօդաչու թռչող սարքեր հարձակվել են Սաուդյան Արաբիայի տնտեսական ու նավթային թիրախների վրա:
