Սիրիայի քրդերը քննադատել են Թուրքիային ու ԱՄՆ-ին
«Սիրիայի դեմոկրատական ուժեր» կոչվող քուրդ աշխարհազորայինները քննադատել են Թուրքիային հրադադարը խախտելու համար: Նրանք քննադատել են նաև ԱՄՆ-ին՝ դատարկ խոստումներ տալու համար:
Սիրիայի քուրդ աշխարհազորայիններն այսօր հրապարակել են հաղորդագրություն, որում հայտարարել են, որ հոկտեմբերի 17-ին ԱՄՆ-ն և Թուրքիան համաձայնել են հրադադարի հաստատմանը, սակայն թուրքական կողմը շարունակում է խախտել այն:
Քուրդ աշխարհազորայիններն այդ հաղորդագրության մեջ հայտարարել են, որ Թուրքիան քրդերին թույլ չի տվել Ռաս ալ-Այն քաղաքում անվտանգ անցուղի ստեղծել վիրավորներին ու խաղաղ քաղաքացիներին քաղաքից դուրս բերելու համար: Քրդերն, ԱՄՆ պետքարտուղար Մայք Պոմպեոին և ԱՄՆ փոխնախագահ Մայք Փենսին են ճանաչել հրադադարի խախտման պատասխանատու: Նրանք հստակեցրել են.«Չնայած ամերիկյան կողմի հայտարարություններին, դ այս կապակցությամբ եռևս ոչ մի քայլ չի արվել»:
Հրադադարի համաձայնության մասին հայտարարությունից ընդամենը ժամեր անց, Թուրքիան Ռաս ալ-Այն քաղաքի մերձակա տարածքներում իրականացրած իր հարձակումներով, խախտեց հրադադարը: