Սաուդյան կոալիցիան ոչնչացրել է Եմենի ինտերնետային ցանցը
Հունվար 25, 2022 14:38 Asia/Tehran
Այսօր Եմենում ինտերնետի վերամիացումից մի քանի ժամ անց, Սաուդյան կոալիցիան հարձակման է ենթարկել այդ երկրի մի շարք թիրախներ, այդ թվում Սանաայի շրջակա տարածքում գտնվող հաղորդակցության ցանցը:
Ինչպես հաղորդում է Ալ-Ալամ հեռուստաընկերությունը, Սաուդյան Արաբիան ավելի վաղ հարձակման էր ենթարկել Եմենի հաղորդակցության ենթակառուցվածքները: Մի քանի օր առաջ Սաուդյան կոալիցիայի կողմից Ալ-Հուդայդա նավահանգստի վրա իրականացված հարձակման հետևանքով ողջ Եմենում 4 օր անընդմեջ անջատվել էր ինտերնետը և վերջապես երեկ Եմենը կրկին միացավ համաշխարհային ցանցին:
Այսօր Սանաայի շրջակա տարածքի վրա Սաուդյան կոալիցիայի հարձակումները տեղի են ունեցել Եմենի Ազգային փրկության կառավարության կողմից ԱՄԷ-ի Աբու Դաբի քաղաքի վրա իրականացված հրթիռային հարձակումից մեկ օր անց: