Թուրքական բանակը կշարունակի մնալ Սիրիայի հյուսիսում և Իրաքում
Թուրքիայի պաշտպանության նախարարը հայտարարել է Սիրիայի հյուսիսում և Իրաքում PKK-ի ամբողջական ոչնչացման գործողությունները շարունակելու մասին։
Վերջին երեք տարում Թւորքիան Իրաքում ակտիվ օդային ու ցամաքային գործողություններ է իրականացնում:
Թուրքիայի պաշտպանության նախարար Հուլուսի Աքարը հայտարարել է, որ այդ երկրի զինված ուժերը շարունակելու են ներկայությունը հյուսիսային Սիրիայում ու Իրաքում, քանի դեռ չի ոչնչացվել PKK-ի վերջին անդամը:
Աքարը հայտարարել է. որ «Ճանկ» գործողության ընթացքում մինչ այժմ սպանվել է PKK-ի 61 անդամ, ոչնչացվել է 82 ապաստարան, զենքի ու զինամթերքի պահեստ։
Թուրքիայի պաշտպանության նախարարն ավելի վաղ հայտարարել էր, որ գործողությունը կիրականացվի «Իրաքի ազգային ինքնիշխանության և անկախության նկատմամբ հարգանքով» և Իրաքի կառավարության հետ համաձայնեցված կարգով: Սակայն Բաղդադը բողոքել է երկրի տարածքում Թուրքրիայի բանակի գործողության դեմ՝ այն որակելով իր ինքնիշխանության խախտում:
