Իրաքի խորհրդարանը նախապատրաստվում է արտաքսել թուրքական զորքերին
Իրաքի խորհրդարանը լուրջ խորհրդարանական շարժում է սկսել՝ երկրի հյուսիսից թուրքական զորքերին դուրս մղելու համար։
Իրաքի խորհրդարանի պատգամավորները պատրաստվում են թուրքական զորքերին դուրս մղել Հյուսիսային Իրաքից: Թուրքիայի բանակն արդեն երկար ժամանակ խախտում է Իրաքի օդային ու ցամաքային տարածքը՝ Քուրդիստանի աշխատավորական կուսակցության (PKK) դեմ պայքարի պատրվակով։
Իրաքի խորհրդարանում «Ալ-Ֆաթահ» կոալիցիայի ներկայացուցիչ Մեհդի Թաղին հայտարարել է, որ երկրիտարածքում Թուրքիայի ներկայության նկատմամբ լռությունն այդ ուժերին թույլ է տալիս ընդլայնել իրենց ներկայությունը, ինչնա Իրաքի ինքնիշխանության և ազգային անվտանգության խախտում է։
«Ալ-Սադիղուն» խորհրդարանական խմբակցության անդամ Սամեր ալ-Դաբյանը նույնպես հայտարարել է, որ Թուրքիայի հավակնությունները Իրաքում շատ հին են, և որ Անկարան փորձում է օգտագործել Իրաքի ներկայիս իրավիճակը ի շահ իրեն և իր վաղեմի հավակնությունների՝ երկրի տարածքի մեծ մասը գրավելու համար։