Իրաքում ետղի է ունեցել առաջին տեղական ԱԹՍ-ի թռիչքը
Իրաքի ռազմական արդյունաբերության կազմակերպությունը հայտարարել է երկրում առաջին տեղական «Սաղար վահեդ» անօդաչու թռչող սարքի կառուցման ավարտի ու թռիչքի մասին:
Իրաքի պաշտոնական լրատվական գործակալությյան հաղորդմամբ՝ ռազմական արդյունաբերության կազմակերպության ղեկավարը չորեքշաբթի օրն ասել է.«Մեծ առաջընթաց է գրանցվել երկրի ռազմական արդյունաբերության, այդ թվում հրթիռային և անօդաչու թռչող սարքերի ոլորտներում: Կազմակերպությունն կառուցել է անօդաչու թռչող սարք, որը կոչվում է «Սաղար վահեդ», և որի վերջնական փորձարկումը տեղի ունեցավ այսօր»:
Ալ-Դարաջին նշել է, որ անօդաչու թռչող սարքը կարող է թռչել 4 կմ բարձրության վրա և 30 կմ հեռահարությամբ՝ հավելելով, որ Իրաքի ռազմական արդյունաբերության կազմակերպությունը կարտադրի նաև «Ալ-Ռաֆդին» հրացաններ։
Իրաքի ռազմական արդյունաբերության կազմակերպության ղեկավարն ասել է, որ արտադրված անօդաչու թռչող սարքերը հետախոզական գործառույթ ունեն, բայց հնարավոր է դրանք վերածվել մահապարտ դրոնների:
Նա հավելել է, որ իրաքյան անօդաչու թռչող սարքերի երեք մոդելներ անցել են փորձարկման փուլը և մտել արտադրության փուլ։
