Սարսափած եմ Գազայում զանգվածային սպանության մասին նորություններից. Բորել
Եվրոպական դիվանագիտության ղեկավար Ժոզեպ Բորելը հայտարարել է, որ սարսափած է Գազայում բնակիչների զանգվածային սպանության մասին նորություններից։
«Սարսափած եմ մարդասիրական օգնության կարիք ունեցող Գազայի քաղաքացիական բնակչության թվում հերթական արյունահեղության մասին լուրերից։ Այդ մահերը բացարձակ անընդունելի են», – գրել է Բորելը Х սոցցանցում։
Բորելը նշել է, որ պարենային օգնությունից մարդկանց զրկելը միջազգային մարդասիրական իրավունքի լուրջ խախտում է։
Եվրոպական դիվանագիտության ղեկավարն ընդգծել է, որ մարդասիրական օգնության անարգել հասանելիություն պետք է լինի դեպի Գազա։
Պաղեստինյան ԶԼՄ–ներն ավելի վաղ հայտնել էին, որ փետրվարի 29-ին Իսրայելը հարված է հասցրել Գազայի արևմուտքում գտնվող Ար–Ռիշադ փողոցին, որտեղ մարդասիրական օգնություն ստանալու համար հարյուրավոր սոված մարդիկ էին հավաքվել։ Անկլավի առողջապահության նախարարությունը հայտնել էր, որ իսրայելական գնդակոծությունից առնվազն 112 մարդ է զոհվել, 760–ը տուժել են։
