Եթե գնաք Լիբանան, անպայման այցելեք Հեզբոլլահի թանգարան

Մելիտա թանգարանը գտնվում է Լիբանանի հարավում, Էղլիմ ալ-Թաֆա անտառապատ ու լեռնային տարածքում։

Այստեղ ցուցադրված է Իսրայելի դեմ Հեզբոլլահի մարտիկների դիմադրության պատմությունը՝  1982 թվականին Բեյրութի օկուպացիայի սկզբից, 2000 թվականին Լիբանանի ազատագրումից մինչև 2006 թվականի 33-օրյա պատերազմը։

Pars Today-ի հաղորդմամբ՝ Մելիտա զբոսաշրջության կենտրոնի գաղափարն առաջարկել է 2000 թվականին Լիբանանի համալսարանի ճարտարապետության բաժնի մի ուսանող, որից հետո այն կառուցվել է Էղլիմ ալ-Թաֆա շրջանում։ 

Հիմնադման նպատակը 

Մելիտա թանգարանի ստեղծման նպատակն է պահպանել այն վայրերը, որտեղ ապրել են լիբանանյան Հեզբոլլահի ուժերը և մարդկանց հնարավորություն տրվի ծանոթանալ 1982 թվականին Բեյրութի օկուպացիայից ի վեր Իսրայելի դեմ Լիբանանի իսլամական դիմադրության պայքարի պատմությանը։

Անվան ընտրությունը 

Մելիտա նշանակում է ծածկված։ Մելիտան այն լեռան անունն է, որտեղ տեղակայված էին Հեզբոլլահի մարտիկները Իսրայելի կողմից հարավային Լիբանանի օկուպացիայի ժամանակաշրջանում մինչև ազատագրումը:

Թանգարանի կարգախոսը 

Թանգարանի կարգախոսն է՝  «Երկրի վկայությունը՝ երկնքի համար»։ 
Այսինքն՝ երկնքի բնակիչների համար պատմվում են երկրի բնակիչների, հերոսների և նահատակների պատմությունները։ Թանգարանի լոգոյի հեղինակն իրանցի նկարիչ Մասուդ Նաջաբաթին է։

Թանգարանի բաժինները 

Թանգարանն ունի տարբեր բաժիննեեր 

Հրապարակը գտնվում է թանգարանի կենտրոնական կետում և հանդիսանում է այցելուների հավաքատեղին։

Հուշահամալիրն այն հատվածն է, որտեղ նվերներ և հուշանվերներ են պահվում այցելուների համար:

Ընդունելությունների սրահը կարող է հյուրընկալել  150 հոգու և նախատեսված է տարբեր նպատակների համար, այդ թվում՝ կինոդիտումներ, կոնֆերանսներ և տարբեր միջոցառումներ:

Ցուցահանդեսային բաժնում ներկայացված են պատերազմական ավարի նմուշներ և տեղեկություններ Իսրայելի բանակի և ռազմական կազմավորումների մասին:

Թանգարանի արևմտյան մասի 3500 քառակուսի մետր տարածքում ներկայացված են զրահապատ մարտական զենքեր և գրավված զենքեր, որոնց թվում կա իսրայելական ռազմական արդյունաբերության չորրորդ սերնդի «Մերկավա» տանկ։

Երթուղին ներառում է անտառապատ տարածքը, որտեղ տեղակայված են եղել  լիբանանյան Հեզբոլլահի մարտիկները:

Քարանձավը լիբանանյան դիմադրության մարտիկները փորել են երեք տարի՝  հենակետ տեղակայելու համար: Դրա  խորությունը 200 մետր է և այնտեղ կան տարբեր սենյակներ և սարքավորումներ։

Լանդշաֆտն անտառապատ ու կանաչապատ տարածքն է, որը հարում է Ալ-Թաֆահ, Զահրանի, Սաիդա և Սուր գյուղերին, որոնք ազատագրվել են Լիբանանի դիմադրության ուժերի կողմից 1985 թվականին:

Կրակի գիծը 200 մետր երկարությամբ զառիթափ ճանապարհ է, որտեղ ցուցադրված  են դիմադրության որոշ զինատեսակները՝ ձևավորման սկզբից մինչև այժմ։

Ազատության հրապարակն այցելուների համար հավաքվելու և հանգստանալու վայր է, որտեղ  ցուցադրված են Դիմադրության զենքերի օրինակներ:

Մերաջը  Մելիտա շրջանի ամենաբարձր կետն է՝ 1060 մետր բարձրության վրա։ Այստեղ տեղակայված է նահատակների հուշահամալիրը, որտեղ ցուցադրված են նախկինում գրավված տարածքները և 2000 թվականին ազատագրված տարածքները:  

Ջրհորից երկար տարիներ դիմադրության մարտիկներն օգտվել են ջուր խմելու համար։ 

Վարչական և սպասարկման օբյեկտները ներառում են վարչական գրասենյակներ, հանդիսությունների սրահ, աղոթասրահ, ռեստորան, ավտոկայանատեղի և կլինիկա:

Ստորև ներկայացված են լուսանկարներ թանգարանից