Գազայում թերսնման պատճառով ավելի քան 65 000 երեխա է հոսպիտալացվել
Գազայի հատվածում Իսրայելի կողմից շարունակվող շրջափակման ֆոնին ավելի քան 65 000 երեխա հոսպիտալացվել է սուր թերսնման պատճառով։ Այս մասին հայտնում է «Al Masirah» հեռուստաալիքը՝ հղում անելով Գազայի կառավարության հասարակայնության հետ կապերի վարչությանը։
Հեռուստաալիքի տվյալներով՝ ամեն օր սովից տառապող 1.1 մլն պաղեստինցի երեխաների և դեռահասների շրջանում սուր թերսնումը հանգեցրել է ավելի քան 65 հազար մարդու հոսպիտալացման։
Ավելի վաղ UNRWA-ն խորը մտահոգություն էր հայտնել մարտի 2-ից Իսրայելի կողմից Գազային օգնության մատակարարման արգելքի պատճառով առաջացած աղետալի իրավիճակի կապակցությամբ։
«Անկլավում սովը տարածվում և խորանում է։ Այն միտումնավոր է և մարդածին։ Գազան հուսահատության շրջանի է վերածվել», – X սոցցանցում գրել է UNRWA-ի գլխավոր հանձնակատար Ֆիլիպ Լազարինին։
Մարտի 2-ին Իսրայելի վարչապետ Բենիամին Նեթանյահուն հայտարարեց Գազայի հատված մարդասիրական մատակարարումների դադարեցման և բոլոր սահմանային հսկիչ անցակետերի փակման մասին։ Իսրայելի իշխանությունների տվյալներով՝ այս որոշումը կայացվել է, քանի որ ՀԱՄԱՍ շարժումը մերժել է ԱՄՆ հատուկ բանագնաց Սթիվ Ուիտկոֆի՝ անկլավում հրադադարի ռեժիմը երկարաձգելու ծրագիրը։
arm.sputniknews
