ՀԱՄԱՍ. Սիոնիստական ռեժիմի հարձակումները հրադադարի հստակ խախտում են
ՀԱՄԱՍ-ը դատապարտել է Սիոնիստական ռեժիմի կողմից Գազայի հատվածի տարբեր շրջանների վրա հարձակումների շարունակումը, հավելելով, որ դա վերջին համաձայնագրերի և միջազգային օրենքների ակնհայտ խախտում է։
Հղում անելով Իրանի հեռուստատեսությանը՝ Pars Today-ը հաղորդում է, որ ՀԱՄԱՍ-ը հայտարարել է. «Սիոնիստական հանցավոր բանակի կողմից Գազայի հատվածի քաղաքացիների դեմ հարձակումների սրացումը և Գազա քաղաքի Ալ-Դարջ և Ալ-Զեյթուն թաղամասերի, ինչպես նաև Խան Յունիսի արևմուտքում գտնվող Ալ-Մավասի շրջանի ռմբակոծությունը, որի արդյունքում զոհվել և վիրավորվել են մի շարք հայրենակիցներ, վկայում է թշնամու համառության մասին՝ խախտելու Շարմ էլ Շեյխում ստորագրված հրադադարի համաձայնագիրը և համապատասխանում է Գազայի հատվածում մեր ժողովրդի դեմ ցեղասպանական պատերազմի շարունակմանը»։
Հայտարարության մեջ ասվում է. «Օկուպանտ ռեժիմը շարունակում է իր բարբարոսական հանցագործությունները մեր ժողովրդի դեմ՝ հրադադարի համաձայնագրի քողի ներքո, մինչդեռ որևէ զսպող արձագանք չի ստացել միջազգային և մարդասիրական համաձայնագրերի և օրենքների այս լուրջ խախտման նկատմամբ»։
ՀԱՄԱՍ-ը հավելել է. «ԱՄՆ կառավարությունը և նրա կողմնակիցները պետք է անհապաղ միջոցներ ձեռնարկեն՝ զսպելու օկուպանտներին և ստիպելու նրանց դադարեցնել Գազայի հատվածում անմեղ քաղաքացիների դեմ ագրեսիան»։
Պաղեստինի իսլամական դիմադրությունը հավելել է. «Մենք կոչ ենք անում Միավորված Ազգերի Կազմակերպությանը և կից կառույցներին՝ Անվտանգության խորհրդի գլխավորությամբ, ընդունել դիրքորոշումներ, որոնք կերաշխավորեն պաղեստինցի ժողովրդի պաշտպանությունը և կկանխեն սիոնիստական մարդասպան մեքենայի կողմից իր զայրույթը պաղեստինցի քաղաքացիների դեմ սանձազերծելը»։
