Թուրքիան ԵԽ-ին մեղադրում է ահաբեկչության քարոզչության մեջ
Եվրոպական խորհրդարանի` Անկարայի կողմից ահաբեկչական ճանաչված Սիրիայի քրդերի ինքնապաշտպանական ուժերի քարոզումն անթույլատրելի է: Այս մասին հայտարարել է Թուրքիայի նախագահի մամուլի խոսնակ Իբրահիմ Քալընը:
Վերջինս նման հայտարարությամբ հանդես է եկել Եվրոպական խորհրդարանում բացված ցուցահանդեսի առնչությամբ, որտեղ ներկայացված են Սիրիայի քրդերի ինքնապաշտպանական ուժերի զինյալների, ինչպես նաև Թուրքիայում ցմահ ազատազրկման դատապարտված Քրդական բանվորական կուսակցության (PKK) առաջնորդ Աբդուլա Օջալանի լուսանկարները: «Ահաբեկչության քարոզչությունն անհամատեղելի է «խոսքի ազատություն» հասկացության հետ: Եթե ահաբեկիչներին նվիրված ցուցահանդեսի կազմակերպիչներն արդարացնում են իրենց գորոծողությունները` ասելով, որ ահաբեկչական մի կազմակերպություն պայքար է մղում մեկ այլ ահաբեկչական կազմակերպության` ԻՊ-ի դեմ, ապա խորհուրդ ենք տալիս նրանց բացել նաև ցուցահանդեսներ` նվիրված «Ջեբհաթ ան-Նուրսի», «Հըզբոլլահ» խմբավորումների ահաբեկիչներին և Բաշար Ասադի ռեժիմին»,- ասել է Քալընը թուրքական «Անադոլու» լրատվական գործակալությանը տված հարցազրույցի ժամանակ:
Ankakh.com
13/7/2016
