Շուրջ մեկ միլիոն սիրիացիներ գտնվում են պաշարման մեջ
ՄԱԿ-ի գլխավոր քարտուղարի տեղակալը հայտարարել է. «Սիրիայի շուրջ մեկ միլիոն քաղաքացիներ գտնվում են պաշարման մեջ»:
ԻՌՆԱ-ի հաղորդման համաձայն, հումանիտար հարցերում ՄԱԿ-ի գլխավոր քարտուղարի տեղակալ Սթիվեն Օ՛Բրայանն Անվտանգության խորհրդի երկուշաբթի օրվա նիստում ասել է. «Չնայած սիրիացիների պաշարմանը վերջ տալու ջանքերին, այս պահին 947 հազար մարդ գտնվում է պաշարման մեջ»:
Առանց անդրադառնալու բախման տարածքներում ու հատկապես Հալեպում պատերազմի հրահրման և խաղաղ քաղաքացիների պաշարման մեջ հայտնվելու հարցում ահաբեկչական խմբերի դերակատարությանը, Օ՛Բրայանը նշել է, որ ստեղծված իրավիճակի գլխավոր պատասխանատուն Սիրիայի կառավարությունն է:
Նիստի ընթացքում ՄԱԿ-ում ԱՄՆ-ի մշտական ներկայացուցիչ Սամանթա Փաուերը նույնպես Բաշար Ասադի կառավարությանը մեղարել է երկրում ճգնաժամը սրելու մեջ: Նա նշել է, որր Վաշինգտոնը Սիրիայի ճգնաժամի կարգավորման ուղղությամբ ջանք է գործադրում:
Անվտանգության խորհրդի երկուշաբթի օրվա նիստում քննարկվել է Սիրիայի վերաբերյալ թիվ 2139, 2165, 2191 և 2258 բանաձևերի գործադրման ընթացքը:
Հակ է նշել, որ ահաբեկչական խմբերն արդեն վեց տարի ոճրագործություններ են իրականացնում Սիրիայի ժողովրդի դեմ: Նրանց հովանավորող եկրների նպատակն է կործանել Սիրիայի գործող կառավարությունը:
