Էրդողանը դռնփակ հանդիպում է ունեցել Սթոլթենբերգի հետ

Թուրքական NTV հեռուստաալիքի փոխանցմամբ՝ Թուրքիայի նախագահ Ռեջեփ Էրդողանը Ստամբուլում գտնվող նստավայրում հանդիպել է ՆԱՏՕ-ի գլխավոր քարտուղար Յենս Սթոլթենբերգի հետ։

Հանդիպումն անցկացվել է դռնփակ պայմաններում և տևել է մոտ 1 ժամ և 45 րոպե։ Առկա տեղեկություններով՝ հանդիպման ժամանակ կողմերը քննարկել են FETÖ-ի (Ֆեթհուլլահ Գյուլենի կազմակերպություն) ու ԴԱԻՇ-ի դեմ պայքարը, «Եփրատի վահան» ռազմական գործողությունը, Ռաքքայի ազատագրման գործողության նախապատրաստությունը, PKK-ի դեմ պայքարը, եվրոպական մի շարք երկրների վերաբերմունքից Թուրքիայի դժգոհությունը։

1in.am