Ահաբեկիչները համաձայնել են թույլ տալ հումանիտար օգնության մուտքը Հալեպ
ՄԱԿ-ը հայտարարել է, որ զինված խմբերը համաձայնել են թույլ տալ հումանիտար օգնություն ուղարկել Սիրիայի Հալեպ քաղաքի բնակիչներին: Այս մասին հաղորդում է «Ալ Ալամ» լրատվական գործակալությունը:
ՄԱԿ-ը նոյեմբերի 24-ին հայտարարել է.«Սիրիայի Հալեպ քաղաքի արևելյան հատվածում գտնվող զինված խմբերը համաձայնել են թույլ տալ այդ տարածքի բնակիչներին հումանիտար օգնություն ուղարկել և Ռուսաստանն էլ հաստատել է այդ որոշումը»:
Ըստ հաղորդման, ՄԱԿ-ը հավելել է.«Սպասում ենք այս կապակցությամբ Սիրիայի բոլոր հակամարտող խմբերի կանաչ լույսին»:
Նշենք, որ Սիրիայի բանակային ուժերը Հալեպի ազատագրման գործողություններում սեղմել են քաղաքի արևելյան հատվածում գտնվող ահաբեկիչների շրջափակման օղակը և բանակն ու նրա դաշնակիցները նոյեմբերի 24-ին մոտեցել են Հալեպի արևելքում գտնվող Բաաիդին հրապարակին:
