Էրդողանը պաշտպանում է ազգային արժույթը
Թուրքիայի նախագահի խոսնակը հինգշաբթի օրը հայտարարել է, որ էրդողանն իր արտարժութային բոլոր խնայողությունները փոխել է լիրայի:
ԻԻՀ Ռադիո-հեռուստատեսության լրատվական գործակալության հաղորդման համաձայն, Թուրքիայի նախագահի խոսնակ Էբրահիմ Քալինը նաև նշել է, որ նախագահ Ռեջեբ Թայիբ Էրդողանը ժողովրդին նույնպես կոչ է արել երկրի ազգային արժույթը պաշտպանելու նպատակով իրենց մոտ գտնվող արտարժույթը փոխել լիրայի:
Լիրան անցած նոյեմբեր ամսին կորցրեց իր արժեքի ավելի քան 10 տոկոսը:
Թուրքիայի վարչապետ Բինալի Յըլդըրըմն էլ տեղեկացնելով լիրան կայունացնելուն ուղղված ծրագրերի մասին, հայտարարեց, որ այսուհետ պետական որևէ պայմանագիր չպետք է կնքվի արտարժույթով:
Թուրքիայի տնտեսական ու ֆինանսական հարցերի փորձագետները հավատացած են, որ նման քայլերով հնարավոր չէ բարձրացնել թրքական լիրայի արժեքը, քանի որ Թուրքիայի ազգային արժույթի փոխարժեքի անկման պատճառն ամեն ինչից առավել պայմանավորված է այդ երկրում քաղաքական անկայունությամբ, անապահովությամբ և տնտեսական ցածր աճով:
