ՄԱԿ-ը մտահոգ է Եմենում Արաբիայի կողմից կասետային ռումբ կիրառվելու համար
ՄԱԿ-ը մտահոգություն է հայտնել Եմենում ընթացող պատերազմում Սաուդյան Արաբիայի կողմից կասետային ռումբեր կիրառվելու կապակցությամբ: Այս մասին հայտնել է «Մեհր» լրատվական գործակալությունը:
Հայտարարելով, որ այդ կառույցը կընդլայնի իր հետազոտությունները Եմենում կասետային ռումբերի օգտագործման կապակցությամբ,ՄԱԿ-ի գլխավոր քարտուղարի պաշտոնական ներկայացուցչի տեղակալ Ֆարհան Հաղը նշել է.«ՄԱԿ-ն իր օրակարգում է դրել երեխաների իրավունքները խախտող երկրների ամենամյա զեկույցում Սաուդյան Արաբիայի անվան ներառումը»:
Ի դեպ Սաուդյան Արաբիան հայտարարել է, որ սահմանափակ կերպով կասետային ռումբեր է օգտագործել Եմենի ռազմական կենտրոնների դեմ: Այդ երկիրը նաև հայտարարել է, որ կդադարեցնի Եմենում բրիտանական արտադրության կասետային ռումբերի կիրառումը:
Վերջերս ամերիկյան «Վաշինգտոն փոստ» օրաթերթը բացահայտել է ԱՄՆ-ի կողմից Սաուդյան Արաբիային կասետային ռումբեր վաճառվելու մասին փաստը:
