Սաուդական կործանիչները շարունակում են հարձակվել Եմենի վրա
Սաուդցի բանակայինները շարունակում են ռմբակոծել Եմենի Թաազ նահանգի Ալ-Մախա քաղաքը:
«Ալ-Մասիրա» հեռուստաընկերության հաղորդման համաձայն՝ շաբաթ օրը Թաազ նահանգի որոշ շրջանների վրա սաուդական կործանիչների հարձակման հետևանքով զոհվել է հինգ երեխա: Զամար նահանգի վրա Արաբիայի ավիահարձակումների հետևանքով զոհվել է երկու հոգի, 9 ուրիշներ վիրավորվել են:
Մեկ այլ լուրի համաձայն՝ Եմենի զբոսաշրջության խորհրդի գործադիր տնօրենն ասել է․«Արաբիայի ավիահարձակումներն ավելի քան 4 միլիարդ դոլարի վնաս են պատճառել երկրի զբոսաշրջությանը»:
Բադր Ալ-Ռահման Ալ-Նաամանի խոսքերով՝ Արաբիայի կողմից Եմենի 200 զբոսաշրջության կենտրոնների ավերման հետևանքով, երկիրն ավելի քան 4.5 միլիարդ դոլարի վնաս է կրել: Հարձակումների պատճառով աշխատավորների 80-95 տոկոսը զրկվել է աշխատանքից:
Նա Եմենի դեմ Արաբիայի ոտնձգությունը երկրի պատմությանն ու մշակութային ժառանգությանն ուղղված սպառնալիք է համարել: Ալ-Նաամանին միջազգային կազմակերպություններից պահանջել է անհապաղ քայլեր ձեռնարկել Եմենի պաշարմանը վերջ դնելու համար:
