Ստամբուլում առաջին անգամ բարձրացվել է Քուրդիստանի դրոշը

Իրաքի Քուրդիստանի ինքնավար հատվածի ղեկավար Մեսութ Բարզանիի այցի առթիվ Ստամբուլի օդանավակայանում առաջին անգամ բարձրացվել է Քուրդիստանի դրոշը։

Թուրքական Hurriyet–ի փոխանցմամբ՝ Ստամբուլի Աթաթուրքի անվան միջազգային օդանավակայանում Իրաքի Քուրդիստանի հատվածի ղեկավարին դիմավորելու ժամանակ բարձրացված Քուրդիստանի դրոշը աղմուկ է բարձրացրել թուրքական հասարակության մեջ։

Բարզանիին դիմավորելու ժամանակ «Մեծ միասնություն» կուսակցության անդամները օդանավակայանում բողոքի ակցիա են իրականացրել Թուրքիայի դրոշներով։

Նշենք, որ Մեսութ Բարզանին արդեն հանդիպել է նախագահ Էրդողանի հետ եւ առաջիկա ժամերին նախատեսվում է հանդիպում վարչապետ Բինալի Յըլդըրըմի հետ։

News.am