Լարիջանի.«Ռիադը ահաբեկչության արտահանման կենտրոն է»
Անդրադառնալով ԱՄՆ նախագահի Սաուդյան Արաբիա կատարած այցին, Իրանի իսլամական խորհրդարանի նախագահն ասել է.«Ռիադը ահաբեկչության արտահանման կենտրոն է»:
Իսլամական խորհրդարանի այսօրվա դռնբաց նիստում, Ալի Լարիջանին Ռիադում վերջերս անցկացված համաժողովի մասին ասել է.«Սաուդցիները և ամերիկացիներն այն դեպքում են ահաբեկչության դեմ պայքարի ջատագովների դերում հանդես գալիս, երբ իրենք նշանակալի դեր ունեն ահաբեկչական խմբավորումների ստեղծման գործում»:
«Կասկած չկա,որ ԻԼԻՊ, Ալ Նուսրայի ճակատ և տասնյակ այլ ահաբեկչական խմբավորումներ ստեղծվել են սաուդցիների և տարածաշրջանի որոշ փոքր երկրների օգնությամբ ու հովանավորվել են նրանց կողմից», հավելել է Լարիջանին:
Նշելով,որ Սաուդյան ռեժիմը Իսրայելի դեմ մղվող ցանկացած մարտում պատրաստ չի եղել ինչ-որ քայլ անել կամ զոհողության գնալ, Լարիջանին հստակեցրել է.«Ցավալի է,երբ մի իսլամական երկիր Սիոնիստական ռեժիմի դեմ պայքարող արաբական դիմադրության երկու խմբերի՝ «Հեզբոլլահ»-ին և ՀԱՄԱՍ-ին ներկայացնում է, որպես ահաբեկիչներ»:
