Օբրայն. Եմենը գտնվում է լիարժեք փլուզման սեմին
ՄԱԿ-ի հումանիտար հարցերով պատասխանատուն նշել է, որ Եմենի ժողովուրդը պատերազմի, սովի ու մահաբեր հիվանդությունների դեմ հանդիման է կանգնած: Նա ասել է . «Այս երկիրը գտնվում է լիարժեք փլուզման սեմին»:
Իրանի ռադիո-հեռուստատեսության լրատվական գործակալության հաղորդման համաձայն, Ստեֆան Օբրայնը երեքշաբթի օրը ՄԱԿ-ի ԱԽ-ի նիստում ընդգծել է. «Աշխարհը Եմենում ճգնաժամի լուռ ականատեսն է»:
ՄԱԿ-ի հումանիտար հարցերով պատասխանատուն ընդգծել է, որ ժամանակ է վերջ տալ սննդային տեսակետից աշխարհում արտակարգ ամենածանր պայմաններին: Նրա խոսքերով. « Եմենը պետք է վերադարձնել գոյատևման ընթացքի մեջ»:
Ստեֆան Օբրայնի խոսքերն արտացոլում են Եմենը ճգնաժամից հեռացնելու և այդ երկրի երկամյա պատերազմին վերջ տալու համար լուրջ բանակցություններ սկսելու ուղղությամբ Սաուդյան ռեժիմի վրա ճնշում գործադրելու հարցում ԱԽ-ի անկարողության պատճառով նրա հուսալքությունը:
Եմենի դեմ Սաուդյան Արաբիայի ռազմական ոտնձգությունը 11 հազար եմենցիների զոհվելուց, տասնյակ հազարավոր մարդկանց վիրավորվելուց, միլիոնավոր ուրիշների տարհանվելուց ու այդ երկրի ենթակառույցների ոչնչացումից բացի այլ արդյունք չի ունեցել:
Սաուդյան Արաբիայի ռազմական ոտնձգությունը նաև սննդամթերքի ու դեղորայքի խիստ պակասություն է առաջացրել Եմենում, որի արդյունքում բազմաթիվ հիվանդություններ են տարածվել այդ երկրում:
