Եգիպտոսը սկսել է էլեկտրոնային վիզաներ փորձարկել
Եգիպտոսի զբոսաշրջության նախարարությունն ԱԳՆ-ի, ՆԳՆ-ի և ավիացիայի նախարարության հետ մեկնարկում է էլեկտրոնային վիզաների համակարգ մտցնելու փորձարկումը: Այս մասին հայտնում է եգիպտական «Աշ-Շուրուկ» պարբերականը:
Նշվում է, որ Եգիպտոսը պլանավորել է էլեկտրոնային վիզաների համակարգ մտցնել հունիսի մեկից, սակայն տեխնիկական պատճառներով հետաձգել է այս քայլը:
Եգիպտոսի զբոսաշրջության նախարարի խոսքով՝ այս համակարգի շնորհիվ աշխարհի ցանկացած կետում գտնվող զբոսաշրջիկ հնարավորություն կունենա երկիր մուտք գործելու համար դիմում ուղարկել: Նախարարը նաև նշել է, որ էլեկտրոնային վիզաները հնարավոր կլինի ստանալ և նախապես վճարել դրանց համար ինտերնետ համակարգի միջոցով, որն արագացնում է երկիր մուտք գործելու գործընթացը և անձնագրերի ստուգումն օդանավակայաններում:
Փորձագետները հույս ունեն, որ էլեկտրոնային վիզաների համակարգը զգալիորեն կմեծացնի զբոսաշրջիկների հոսքն այն երկրներից, որոնց քաղաքացիները պետք է նախապես մտածեն Եգիպտոսն այցելելու համար անհրաժեշտ վիզաների մասին:
Tert.am
