Մոնաֆեղին խմբավորման նստաշրջանին մասնակցած Եգիպտոսի խորհրդարանի պատգամավորների մասին հետաքննություն կանցկացվի
Եգիպտոսի խորհրդարանի նախագահը հրահանգել է հետաքննություն իրականացնել այդ երկրի խորհրդարանի 5 պատգամավորների առանց թույլտվության Ֆրանսիայում Մոնաֆեղին ահաբեկչական խմբավորման նիստին մասնակցելու շուրջ:
Եգիպտոսի «Ալ-Ահրամ» լրատվական կայքի հաղորդման համաձայն, Եգիպտոսի խորհրդարանի նախագահ Ալի Աբդոլաըլը կիրակի օրը խորհրդարանի էթիկայի հանձնախմբին հրահանգել է խորհրդարանական էթիկայի սկզբունքները չհարգելու կապակցությամբ հետաքննություն իրականացնել Եգիպտոսի խորհրդարանի 5 պատգամավորների՝ առանց թույլտվության Մոնաֆեղին խմբավորման տարեկան համագումարին մասնակցելու շուրջ և օրենքը խախտողների հանդեպ օրինական քայլ ձեռնարկել:
Ալի Աբդոլաըլը նշել է, որ Եգիպտոսի խորհրդարանը դեմ է եղել հակաիրանական համագումարին իր պատգամավորների մասնակցությանը և շաբաթ երեկոյան օրինախախտ պատգամավորների գործը փոխանցել է խորհրդարանի էթիկայի հանձնախմբին:
Մոնաֆեղին ահաբեկչական խմբավորման համագումարն ԱՄՆ-ի ու Արաբիայի ներկայացուցիչների և տարածաշրջանում ահաբեկիչների պարագլուխների մասնակցությամբ, շաբաթ օրը գումարվեց Փարիզի մերձակա «Վիլփոնթ»-ի տարածքում:
