Ալ-Էբադին զգուշացրել է Արբիլին
Իրաքի վարչապետն այդ երկրի Քուրդստանի տարածքի պաշտոնատարներին զգուշացրել է, որ եթե այդ տարածքի անջատման հանրաքվեն Իրաքում խռովությունների պատճառ դառնա, դիմելու է ռազմական ուժի:
Իրանի ռադիո-հեռուստատեսության լրատվական գործակալության հաղորդման համաձայն, Հեյդար Ալ-Էբադին շաբաթ օրը հայտարարել է, որ Իրաքի Քուրդստանի տարածքի անջատման հանրաքվեն անօրինական է: «Իրաքի Քուրդստանի պաշտոնատարներն առյուծի պոչի հետ են խաղում». ասել է նա:
Հունիսի 7-ին Մասըուդ Բարեզանիի ներկայությամբ գումարված նիստում, Իրաքի Քուրդստանի տարածքի որոշ կուսակցություններ իրենց համաձայնությունը տվեցին 2017 թվականի սեպտեմբերի 25-ին Իրաքից Քուրդստանի տարածքի անջատման հանրաքվեի անցկացմանը, ինչը քննադատության արժանացավ Իրաքի կառավարության և տարբեր խմբերի, ինչպես նաև տարածաշրջանի ու աշխարհի երկրների կողմից:
