Ամիր Աբդոլլահյան. Իրաքում քաղաքական բաց ստեղծելը նոր առիթ կստեղծի ահաբեկիչների համար
Միջազգային հարցերում Իրանի իսլամական խորհրդարանի նախագահի հատուկ օգնականը մատնանշելով այն կետը, որ ահաբեկչության աճը տեղի է ունենում տարածաշրջանում խռովությունների ստեղծման պայմաններում, ասաց. «Իրաքից ներս ցանկացած տեսակի քաղաքական բաց և ճեղքվածք նոր առիթ կտրամադրի ահաբեկիչներին»:
Հոսեյն Ամիր Աբդոլլահյանը երեքշաբթի օրը Թեհրանում Ֆրանսիայի դիվանագիտական ակադեմիայի նախագահ Միշել Դ՛Քլոի հետ հանդիպման ժամանակ ընդգծել է. «Անջատման հանրաքվե կազմակերպելու Իրաքի Քուրդստանի տարածքի իշխանությունների քայլը տարածաշրջանում անկայունության և ահաբեկչության աճի պատճառ կդառնա»:
Միշել Դ՛Քլոն հանդիպման ժամանակ համոզմունք է հայտնել, որ Իրաքի Քուրդստանի տարածքում անջատման հանրաքվե անցկացնելը չի բխում այդ երկրի ժողովրդի շահերից: Նա հավելել է. «Իրաքի Քուրդստանի տարածքում անջատման հանրաքվեի կայացումը հանգեցնելու է տարածաշրջանում անապահովության տարածմանն ու ահաբեկչության աճին»:
Չնայած համաշխարհային հակառակությանը և Իրաքի կառավարության խիստ արձագանքին, Քուրդստանի տարածքի անջատման հանրաքվեն այդ տարածքի ղեկավար Մասուդ Բարեզանիի պնդմամբ տեղի ունեցավ: Բարեզանիի այդ քայլը ոտնահարում է Իրաքի սահմանադրությունը:
Իրաքյան ԶԼՄ-ները հաղորդել են, որ Փիշմերգե ուժերն Իրաքի Քուրդստանի տարածքի որոշ բաժինների բնակիչներին սպառնացել են, որ հանրաքվեին չմասնակցելու դեպքում բռնագաղթի կենթարկվեն:
