Արաբիայի տասնյակ արքայազներ և նախկին ու գործող նախարարներ կալանավորվել են
Սաուդյան Արաբիայի թագավորությունը կոռուպցիայի դեմ պայքարի պատրվակով կալանավորել է այդ երկրի տասնյակ արքայազների և նախկին ու գործող նախարարների:
Համաձայն «Ֆարս» լրատվական գործակալության հաղորդման, Արաբիայի կառավարությունը կոռուպցիայի դեմ պայքարի կոմիտե ստեղծելով, ձերբակալել է 11 արքայազների և 30 նախկին ու գործող նախարարների:
Կոմիտեն Արաբիայի թագավորի որդի և գահաժառանգ Մոհամմեդ Բեն Սալմանի գլխավորությամբ շաբաթ գիշեր նիստ է գումարել, ինչից հետո մի քանի ժամվա ընթացքում հրապարակել են հիշյալ անձանց կալանավորման վճիռները:
«Ալ-Հայաթ» օրաթերթի և «Ալ-Արաբիա» հեռուստակայանի հաղորդման համաձայն՝ կալանավորված անձանց մեջ են գտնվում Սաուդյան Արաբիայի գործող կառավարության չորս նախարարներ:
Մալեք Սալմանը ժամեր առաջ աշխատանքից հեռացրեց Արաբիայի նախկին թագավորի որդի և այդ երկրի ազգային պահակագնդի պրետ Մոթըեբ Բեն Աբդոլազիզին:
Որոշ ԶԼՄ-ների հաղորդման համաձայն Մոթըեբ Բեն Աբդոլազիզը նույնպես գտնվում է բերման ենթարկված պաշտոնատարների մեջ:
Միևնույն ժամանակ որոշ աղբյուրներ հայտարարել են, որ Սաուդյան Արաբիայից մեկնող ու դեպի Սաուդյան Արաբիա իրականացվող բոլոր թռիչքները դադարեցվել են: Լրատվական աղբյուրները նաև հայտարարել են, որ այդ քայլն արվել է ձերբակալությունից առաջ Արաբիայի արքայազների ու պաշտոնատարների փախուստը կանխելու համար :
