Սիոնիստ զորայինները ձերբակալել են պաղեստինցի վեցամյա երեխայի
Սիոնիստական ռեժիմի զորայինները Հորդանան գետի արևմտյան ափին գտնվող «Ալ-Ջալազոն» գաղթակայանում ձերբակալել են վեցամյա պաղեստինցի երեխայի:
«Մեհր» լրատվական գործակալության հաղորդման համաձայն՝ սիոնիստ զորայինները շաբաթ օրը Հորդանան գետի արևմտյան ափին գտնվող «Ալ-Ջալազոն» գաղթակայանում Սիոնիստական ռեժիմի զորայինների ուղղությամբ քար նետելու մեղադրանքով, ձերբակալել են պաղեստինցի վեցամյա Ադամ Ահմեդ Մասվրային:
Պաղեստինյան աղբյուրները հայտարարել են, որ Սիոնիստական ռեժիմի զորայինները երեխային նստեցրել են զինվորական ավտոմեքենա ու տեղափոխել «Բեյթ-Իլ» քաղաքավանի զորանոցը:
Միևնույն ժամանակ Լիբանանի Հեզբոլլահի կենտրոնական խորհրդի անդամ Նաբիլ Ղավուղը հայտարարել է, որ զավթված Պաղեստինում քարեր նետող երեխաներն ավելի են ազդեցիկ են իսլամական ու արաբական համաժողովներից ու նստաշրջաններից:
Ավելի վաղ Պաղեստինցի գերիների ուսումնասիրության կենտրոնը հայտարարել էր, որ վերջին մի քանի ամիսների ընթացքում Հորդանան գետի արևմտյան ափին, մասնավորապես Ալ-Խալիլում ու Ղոդսում իսրայելցի զորայինների կողմից պաղեստինցի երեխաների ձերբակալությունները հավելում են կրել: Սիոնիստ զորայինները ամսական միջին հաշվով կալանավորում են մեկ պաղեստինցի երեխայի:
Պաղեստինյան այս կառույցը հայտարարել է, որ այս պահին սիոնիստական բանտերում կալանքի տակ են պահված 300 պաղեստինցի երեխաներ, ինչը հակասում է միջազգային բոլոր օրենքներին ու նորմերին:
