Ղրղզստանի նախագահը կարևորել է ՀԱՊԿ շրջանակում համագործակցությունների ընդլայնումը
Ղրղզստանի նախագահ Սորոնբայ Ժեենբեկովը Բիշքեկում հանդիպել է Հավաքական անվտանգության պայմանագրի կազմակերպության գլխավոր քարտուղար Յուրի Խաչատուրովի հետ: Նա կարևորել է այդ կազմակերպության շրջանակներում համագործակցության ընդլայնումը:
Ինչպես հաղորդում է «Ֆարս» լրատվական գործակալությունը, Ղրղզստանի նախագահ Սորոնբայ Ժեենբեկովը երեքշաբթի օրը Բիշքեկում Հավաքական անվտանգության պայմանագրի կազմակերպության գլխավոր քարտուղար Յուրի Խաչատուրովի հետ հանդիպման ժամանակ ասել է.«Բիշքեկը համոզված է այս կազմակերպության հետ իր համագործակցությունը կերաշխավորի տարածաշրջանի անվտանգությունը»:
Ժեենբեկովն իր հերթին գոհունակություն հայտնելով Մինսկում ՀԱՊԿ-ի վերջին նիստի արդյունքների կապակցությամբ ասել է.«Որպես Ղրղզստանի նախագահ իմ առաջին այցը Մոսկվա և այնուհետև Բելառուսում կայացած ՀԱՊԿ-ի գագաթնաժողովին մասնակցելը, վկայում են այս կազմակերպության հետ հարաբերություններն ընդլայնելու մեր ցանկության մասին»:
Հանդիպման ժամանակ Հավաքական անվտանգության պայմանագրի կազմակերպության գլխավոր քարտուղար Յուրի Խաչատուրովը զեկույց ներկայացրեց 2018 թվականին կազմակերպության ծրագրի վերաբերյալ:
