Դամասկոս. Սիրիայում ԱՄՆ-ի ռազմական ներկայությունն անօրինական է
Սիրիայի Արտաքին գործերի նախարարությունը հայտարարել է, որ այդ երկրում ԱՄՆ-ի ռազմական ներկայությունը ապօրինի է, և միջազգային իրավունքի ու Սիրիայի ազգային ինքնիշխանության կոպիտ խախտում է համարվում:
Հինգշաբթի օրը, հակազդելով ԱՄՆ-ի պետքարտուղար Ռեքս Թիլերսոնի հայտարարություններին, Սիրիայի ԱԳՆ-ն հայտարարել է, որ ԱՄՆ-ի շարունակելով իր ռազմական ներկայությունը Սիրիայում նպատակ ունի աջակցել ԻԼԻՊ ահաբեկչական թաքֆիրական խմբին:
Սիրիայի ԱԳՆ-ը հայտարարել է, որ ԱՄՆ-ի կառավարությունը երբեք չի ձգտել ոչնչացնել ԻԼԻՊ-ին, իսկ Ռաքքա քաղաքում, Վաշինգտոնի գլխավրած կոալիցիայի ուժերը շարունակում են իրենց գործողությունները:
Սիրիայի ԱԳՆ-ն ընդգծել է, որ այդ երկրի կառավարությունը նույնիսկ ԱՄՆ-ի դոլարների օգնության կարիքը չունի, քանի որ այդ գումարները շաղախված են սիրիացիների արյամբ: Հաղորդագրության մեջ նշված է, որ Վաշինգտոնի վարած քաղաքականության հետևանքով Սիրիան ավերվել է և հազարավոր սիրիացիներ զոհվել են:
Չորեքշաբթի օրը, ԱՄՆ պետքարտուղար Ռեքս Թիլերսոնը, Կալիֆորնիայի Ստենֆորդի համալսարանում ունեցած ելույթում հայտարարել է, որ Վաշինգտոնը կշարունակի իր ռազմական ներկայությունը Սիրիայում:
