Սիրիայի բռնագրավված Գոլանի բնակիչները բողոքել են սիոնիստների դեմ
Սիրիայի բռնագրավված Գոլանի բնակիչները բողոքելով տեղական խորհուրդների ընտրությունների անցկացման դեմ, նստացույց են արել:
Ինչպես հաղորդում է Սիրիայի ՍԱՆԱ լրատվական գործակալությունը, Գոլանի բնակիչները հավաքվել են Սիրիայի Մաջդալ Շամս հրապարակում և ծածանել են այդ երկրի դրոշը: Նրանք հրկիզելով ընտրաթերթիկներն ընդգծել են, որ չեն մասնակցելու այդ ընտրություններին:
Բռնագրավված Գոլանի բնակիչները տեղական խորհուրդների ընտրությունները համարել են մի տեսակ օկուպացում և այն գնահատել են Սիոնիստական ռեժիմի հալածողական քայլերի շրջանակում արված քայլ: Նրանք հայտարարել են, որ իրենք պատկանում են Սիրիային և մինչև 2018 թվականի հոկտեմբերի վերջը կշարունակեն նստացույցը, ի նշան բողոքի՝ Սիոնիստական ռեժիմի հրեականացման քաղաքականությունների դեմ:
Սիոնիստական ռեժիմը 1967 թվականին բռնագրավեց Սիրիայի Գոլանի բարձունքների մեծ մասը:
Սիրիայի բանակը հունիսի սկզբին Կունեյտրայի անցակետի վերահսկողությունը վերցրեց իր ձեռքը: Կունեյտրան Սիրիայի և բռնագրաված տարածքների միջև միակ անցակետն է, որ գտնվում է Գոլանի բարձունքներում:
