Հանրաքվե՝ ԱՄՆ-ի ռազմաբազան Ճապոնիայի Օկինավա կղզում տեղափոխելու վերաբերյալ
Ճապոնիայի կառավարությունը տեղեկացրել է ԱՄՆ-ի ռազմաբազան այդ երկրի Օկինավա նահանգում մեկ այլ վայր տեղափոխելու կապակցությամբ հանրաքվե անցկացնելու մասին:
Ճապոնիայի հեռուստատեսությունը չորեքշաբթի օրը հաղորդել է, որ Ճապոնիայի Օկինավայի նահանգապետ Դենի Թամաքին դեմ է ԱՄՆ-ի ռազմաբազան նահանգի Նագո քաղաքի Հենոքո ծովամերձ տարածք փոխադրելու նախագծին և ասում է, որ այս ռազմաբազան ընդհանրապես պիտի փակվի: Ի հետևումն այս հայտարարության, Ճապոնիայի կառավարությունը հայտարարեց, որ Օկինավա նահանգում այս ռազմաբազայի տեղափոխման հարցը հանրաքվեի է դնելու:
Ճապոնիայում տեղակայված 50 հազար ամերիկացի զորայիններից շուրջ 25 հազարի ներկայությունը Օկինավայում, նրանց կողմից իրականացված բազմաթիվ հանցագործությունները և ամերիկյան ռազմական ինքնաթիռների հաճախակի կործանումները, ռազմաբազան փակելու և ամերիկացի զորայիններին հեռացնելու կապակցությամբ այդ տարածքի ժողովրդի ներկայացրած պահանջի հիմնավորումներից են:
Օկինավա կզղում ամերիկյան նոր ռազմաբազայի կառուցումը հանդիպել է այդ տարածքի բնակիչների խիստ հակառակությանը:
Ավելի վաղ Օկինավայի նահանգապետ Դանի Թամաքին հայտարարել էր, որ այդ տարածքում ԱՄՆ-ի նոր ռազմաբազայի կառուցմանն ընդդիմանալու ուղղությամբ որևէ ջանք չի խնայելու:
