Դատապարտվել է INF-ից հրաժարվելու մասին Թրամփի որոշումը
Միջուկային սպառազինությանը դեմ մի խումբ կազմակերպություններ և խաղաղության ակտիվիստներ, Լոնդոնում դատապարտել են Միջին հեռահարության միջուկային զենքերի պայմանագրից հրաժարվելու Դոնալդ Թրամփի որոշումը:
Համաձայն Իրանի ռադիոհեռուստատեսության լրատվական գործակալության հաղորդման, Միջուկային ապազինման կոալիցիան (CND) երկուշաբթի օրը Լոնդոնում խաղաղության, նաև միջուկային զենքերին դեմ ակտիվիստների մասնակցությամբ կազմակերպված միջոցառման ժամանակ դատապարտել է Միջին հեռահարության միջուկային զենքերի պայմանագրից (INF) ԱՄՆ-ի հրաժարումը և ազդարարել Եվրոպայում նման հրթիռների տեղակայման կապակցությամբ:
Միջուկային ապազինման կոալիցիայի ներկայացուցիչներն այս միջոցառման ժամանակ հայտարարեցին, որ հիշյալ պայմանագրից Դոնալդ Թրամփի հրաժարվելուց մեկ շաբաթ առաջ, ԱՄՆ-ի այդ քայլը քննադատելու նպատակով, զբաղեցնելու են «Գարդիան» օրաթերթի մի էջը և Բրիտանիայի կառավարությանը կոչ են անելու միանալ այս պայմանագրի պաշտպաններին:
Բրիտանիայում հակապատերազմ կազմակերպությունների և Միջուկային ապազինման կոալիցիայի ներկայացուցիչները նաև այդ երկրի կառավարությանը կոչ արեցին այդ պայմանագիրը չեղյալ հայտարարվելու դեպքում հրաժարվել ԱՄՆ-ի միջուկային հրթիռներն այդ երկրի տարածքում հաստատելուց:
Միջոցառմանը մասնակցում էին քաղաքական ու մշակութային հայտնի գործիչներ:
