ԱՄՆ-ն փորձում է խռովություններ առաջացնել Վենեսուելայում
Միջազգային հարցերով Իրանի իսլամական խորհրդարանի նախագահի հատուկ օգնականը դատապարտելով Վենեսուելայում ԱՄՆ-ի միջամտողական քայլերն ասել է.«ԱՄՆ-ն փորձում է տապալել Վենեսուելայի օրինական կառավարությունը և խռովություններ առաջացնել այդ երկրում»:
Թեհրանում Կուբայի դեսպան Ալեքսիս Բանդարիչ Վեգայի հետ հանդիպման ժամանակ անդրադառնալով Լատինական Ամերիկայի որոշ երկրների դեմ ԱՄՆ-ի թշնամական ինտենսիվ քայլերին, Հոսեյն Ամիր Աբդոլլահյանը հավելել է.«Վենեսուելայում օրինական կառավարության ու ընդդիմադիրների միջև քաղաքական երկխոսությունը լավագույն ելքն է ԱՄՆ-ի սադրանքները չեզոքացնելու համար»:
Ամիր Աբդոլլահյանն ընդգծել է.«Իրանը մշտապես պաշտպանում է երկրների անկախությունն ու ինքնիշխանության իրավունքը և դեմ է երկրների ներքին գործերին ցանկացած օտարերկրյա միջամտությանը»:
Հանդիպման ժամանակ Ալեքսիս Բանդարիչ Վեգան ասել է.«Իրանի իսլամական հեղափոխությունը կարևոր մոդել կարող է լինել աշխարհի ազատատենչների համար»:
Նա երկկողմ համագործակցությունն ընդլայնելու ցանկություն է հայտնել:
Թեհրանում Կուբայի դեսպանը նաև դատապարտելով Վենեսուելայում ԱՄՆ-ի միջամտողական քայլերը, Կուբայի աջակցությունն է հայտնել Վենեսուելայի օրինական կառավարությանը:
ԱՄՆ-ն ևս պատժամիջոցներ կիրառելով Վենեսուելայի օրինական կառավարության նկատմամբ և աջակցելով այդ երկրի կառավարության ընդդիմադիրներին, փորձում է տապալել հակաամերիկյան կողմնորոշում ունեցող Վենեսուելայի օրինական կառավարությունը:
